La masacre de Jonestown foi la muerte de más de 900 miembros del movimientu relixosu Peoples Temple el 18 de payares de 1978 nel asentamientu de Jonestown, na Guyana, baxo la dirección de Jim Jones.
Jones fundara'l Peoples Temple nos Estaos Xuníos y treslladara a cientos de siguidores a Guyana, onde estableció'l denomináu Proyectu Agrícola del Peoples Temple. Les denuncies sobre abusos y retención de miembros llevaron al congresista d'Estaos Xuníos Leo Ryan a visitar la comunidá.
El 18 de payares, Ryan y otros cuatro persones fueron asesinaes nel aeródromu de Port Kaituma cuando intentaben abandonar la zona con dellos miembros del grupu. Poco dempués, Jones ordenó una muerte colectiva nel asentamientu.
Morrieron 918 persones nos acontecimientos rellacionaos con Jonestown, incluyendo más de 300 menores. La mayoría de les víctimes del asentamientu morrieron tres inxerir una bebida con cianuru, anque delles persones fueron forzaes o asesinaes, polo que l'acontecimientu descríbese como una combinación de suicidiu colectivu y asesinatu masivu.
Referencies
Enllaces esternos
Categoría:Masacres Categoría:Historia de Guyana Categoría:1978 Categoría:Nuevos movimientos relixosos