Hannah Szenes , conocida tamién como Hannah Senesh, foi una poeta, militar y resistente xudía nacida n'Hungría. Mientres la Segunda Guerra Mundial formó parte d'un grupu de voluntarios xudíos del Mandatu británicu de Palestina entrenaos pol Special Operations Executive británicu pa ser llanciaos en paracaídes sobre Europa ocupada y collaborar cola resistencia y col rescate de población xudía.
Biografía Szenes nació en Budapest nuna familia xudía asimilada. El so padre, Béla Szenes, yera periodista y dramaturgu y morrió cuando ella tenía seis años. Durante l'adolescencia, la creciente discriminación antisemita n'Hungría llevóla a interesase pol sionismu.
En 1939 emigró al Mandatu británicu de Palestina y estudió agricultura en Nahalal. En 1941 incorporóse al kibutz Sdot Yam y más tarde a la Haganá. Escribió poesía y un diariu personal durante estos años.
En 1943 apuntóse como voluntaria pal exércitu británicu y recibió formación como paracaidista nel marcu d'una operación del Special Operations Executive. En marzu de 1944 foi llanciada sobre Yugoslavia con otros voluntarios y pasó dellos meses con partisanos yugoslavos.«Hannah Szenes», United States Holocaust Memorial Museum.
En xunu de 1944 intentó cruzar la frontera húngara, pero foi detenida. Les autoridaes atoparon el transmisor militar que llevaba y sometiéronla a interrogatorios y tortures, ensin consiguir que revelara los códigos nin información sobre los sos compañeros. Foi xulgada por traición y executada por fusilamientu en Budapest'l 7 de payares de 1944.
Tres la guerra los sos poemes y diarios publicáronse y Szenes convirtióse nuna figura simbólica n'Israel. El poema «Eli, Eli», conocíu tamién como «A Walk to Caesarea», foi musicalizáu y pasó a formar parte de la cultura israelina. Los sos restos fueron treslladaos a Israel en 1950 y enterraos nel monte Herzl.
Obra escoyida A Walk to Caesarea Blessed Is the Match Hannah Senesh: Her Life and Diary (publicación póstuma)
Referencies
Enllaces esternos
Categoría:Poetes d'Hungría Categoría:Persones de la resistencia contra'l nazismu Categoría:Persones de la Segunda Guerra Mundial Categoría:Xudíos d'Hungría Categoría:Nacíos en Budapest