En física, la radiación ye la emisión o tresmisión d'enerxía en forma d'ondes o partícules al traviés del espaciu o d'un mediu material. Inclúi fenómenos mui diversos, dende la radiación electromagnético hasta distintos tipos de radiación formada por partícules.
La radiación electromagnético inclúi les ondes de radio, les microondes, la radiación infrarroxo, la lluz visible, la radiación ultravioleta, los rayos X y los rayos gamma. Estes formes estrémense principalmente pola frecuencia, la llonxitú d'onda y la enerxía.
Otra clasificación importante estrema ente radiación ionizante y radiación non ionizante. La primera tien enerxía suficiente pa ionizar átomos o molécules y puede producir alteraciones importantes na materia vivo, ente que la segunda nun tien enerxía suficiente pa producir ionización de manera direuta.
La radiación tien aplicaciones na medicina, la industria, les telecomunicaciones, la producción d'enerxía y la investigación científica. La esposición a determinaos tipos y dosis de radiación puede causar daños biolóxicos, polo que'l so usu ta reguláu mediante normes de proteición radiolóxica.
Ver tamién Radiación electromagnético Radiación ionizante Radiación non ionizante Radioactividá Espectru electromagnéticu
Referencies
Enllaces esternos
Categoría:Física