Luna Lovegood ye un personaxe ficticiu de la serie Harry Potter, creada por J. K. Rowling. Ye una estudiante de Hogwarts perteneciente a la casa Ravenclaw y una de les amigues de Harry Potter. Apaez per primer vegada en Harry Potter and the Order of the Phoenix (2003).J. K. Rowling, Harry Potter and the Order of the Phoenix, Bloomsbury, 2003.
Ye fía de Xenophilius Lovegood, direutor de la revista The Quibbler. Caracterízase pola so personalidá excéntrica, la tranquilidá ante les burlles de los sos compañeros y la creencia en criatures y fenómenos que la mayor parte de la comunidá máxica considera improbables.
Luna incorpórase al Exércitu de Dumbledore y participa xunto a Harry, Hermione, Ron, Ginny y Neville na batalla del Departamentu de Misterios. Tamién combate contra los mortífagos cuando estos ataquen Hogwarts y, durante'l réxime instauráu na escuela en Harry Potter and the Deathly Hallows, participa na resistencia estudiantil.J. K. Rowling, Harry Potter and the Deathly Hallows, Bloomsbury, 2007.
Ye secuestrada polos mortífagos pola oposición pública del so padre a Voldemort y permanece prisionera na mansión Malfoy hasta ser rescatada por Dobby. Posteriormente participa na batalla de Hogwarts.
Na serie cinematográfica foi interpretada por Evanna Lynch. Tres la guerra, Luna convertiríase nuna naturalista especializada en criatures máxiques y casaría con Rolf Scamander.
Referencies
Enllaces esternos
Categoría:Personaxes de Harry Potter