Qui-Gon Jinn ye un personaxe ficticiu humanu de la franquicia Star Wars, creada por George Lucas. Ye un maestru Jedi y el mentor d'Obi-Wan Kenobi, interpretáu principalmente por Liam Neeson. Apaez per primer vegada en Star Wars: Episode I – The Phantom Menace (1999).Star Wars: Episode I – The Phantom Menace, dir. George Lucas, Lucasfilm, 1999.
Qui-Gon ye un Jedi esperimentáu que mantién una interpretación independiente de les normes de la Orde Jedi. Xunto a Obi-Wan ye unviáu a negociar cola Federación de Comerciu durante'l bloquéu de Naboo y acaba protexendo a la reina Padmé Amidala.
En Tatooine conoz al neñu Anakin Skywalker, nel que detecta un potencial extraordinariu na Fuerza. Qui-Gon considera que puede ser l'Escoyíu anunciáu nuna profecía Jedi y decide intentar que la Orde lu acepte como aprendiz.
Finalmente muerre tres resultar feríu nun duelu contra Darth Maul. Antes de morrer píde-y a Obi-Wan que forme a Anakin. Producciones posteriores establecieron que Qui-Gon aprendió a caltener la so conciencia dempués de la muerte, apaeciendo como voz o espíritu de la Fuerza.Star Wars: Episode III – Revenge of the Sith, dir. George Lucas, Lucasfilm, 2005.
Referencies
Enllaces esternos
Categoría:Personaxes de Star Wars