Indiana Jones, de nome completu Henry Walton Jones Jr., ye un personaxe ficticiu creáu por George Lucas y protagonista de la franquicia Indiana Jones. Harrison Ford interpretó'l personaxe per primer vegada en Raiders of the Lost Ark (1981), película dirixida por Steven Spielberg.Raiders of the Lost Ark, dir. Steven Spielberg, Lucasfilm, 1981.
Jones ye profesor universitariu d'arqueoloxía y aventureru. Les películes preséntenlu buscando oxetos arqueolóxicos y reliquies como l'Arca de l'Alianza, les piedres Sankara, el Santu Grial y el Dial d'Arquímedes.
La so apariencia característica inclúi un sombreru fedora, una chaqueta de cueru y un llátigu. El personaxe tien fobia a les culiebres y acostuma enfrentase a enemigos interesaos en controlar oxetos históricos con poderes sobrenaturales, especialmente los nazis.
Amás de Ford, Indiana Jones foi interpretáu en distintes edaes por River Phoenix, Sean Patrick Flanery, Corey Carrier y George Hall. El personaxe protagonizó cinco llargumetraxes, la serie The Young Indiana Jones Chronicles, novelizaciones, cómics y videoxuegos.
Referencies
Enllaces esternos
Categoría:Arqueólogos ficticios Categoría:Personaxes de ficción