Mercado Libre, Inc. ye una empresa multinacional de comerciu electrónicu y teunoloxía financiera que desarrolla la so actividá principalmente n'América Llatina. La compañía opera un ecosistema de servicios dixitales que permite mercar y vender productos, procesar pagos, realizar operaciones financieres y contratar servicios loxísticos.«MercadoLibre, Inc. Annual Report 2025», SEC.
Foi fundada en 1999 por Marcos Galperin y empezó la so actividá como un mercáu en llinia pa conectar vendedores y compradores. La compañía constituyóse nel estáu de Delaware, n'Estaos Xuníos, y tien les sos principales oficines executives en Montevideo, Uruguái.
El principal serviciu de la empresa ye Mercado Libre, una plataforma de comerciu electrónicu presente en distintos países latinoamericanos. El grupu desenvuelve tamién Mercado Pago, dedicáu a pagos y servicios financieros; Mercado Envíos, centráu na loxística y distribución; y otros servicios de publicidá, creitu y comerciu dixital.
Mercado Libre empezó a cotizar nel NASDAQ en 2007 col símbolu MELI. La espansión de Mercado Pago convirtió a la compañía nun actor importante del sector de la teunoloxía financiera latinoamericana, ofreciendo servicios como cuentes dixitales, pagos con códigu QR, tarxetes y créitu.«MercadoLibre, Inc. Annual Report 2024», SEC.
Referencies
Enllaces esternos
Categoría:Empreses fundaes en 1999 Categoría:Empreses de comerciu electrónicu Categoría:Empreses de teunoloxía financiera Categoría:Empreses cotizaes nel NASDAQ