Anna Menon , ye una inxeniera biomédica, astronauta comercial y candidata a astronauta de la NASA d'Estaos Xuníos. Viaxó al espaciu en 2024 como integrante de Polaris Dawn y foi seleccionada pola NASA na promoción d'astronautes de 2025.NASA Astronaut Candidate Anna Menon, NASA.
Estudió matemátiques y español na Texas Christian University y consiguió un máster n'inxeniería biomédica na Universidá Duke. Trabayó nel centru de control de misión de la NASA dando sofitu a equipamientu médicu de la Estación Espacial Internacional y posteriormente incorporóse a SpaceX, onde trabayó n'operaciones de vuelos tripulaos.
En setiembre de 2024 voló como especialista de misión y oficial médica de Polaris Dawn. La nave algamó una órbita que estableció un nuevu récord de distancia a la Tierra pa muyeres, compartíu por Menon y Sarah Gillis, y la misión realizó la primer actividá extravehicular comercial. El 22 de setiembre de 2025 la NASA anunció la so selección como una de los diez integrantes de la nueva promoción de candidatos a astronauta.NASA Selects All-American 2025 Class of Astronaut Candidates, NASA, 22 de setiembre de 2025.
Referencies
Enllaces esternos
Categoría:Astronautes d'Estaos Xuníos Categoría:Inxenieros biomédicos Categoría:SpaceX Categoría:Astronautes