729 e.C. foi un añu común del sieglu VIII e.C..
Esti añu asítiase dientro del periodu d’espansión del Imperiu neoasiriu, baxo'l reináu de Tiglatpileser III, ún de los monarques más reformistes y espansionistes de la historia asiria. Nesti momentu, el poder d’Asiria afítase nel sur de Mesopotamia, onde se producen enfrentamientos colos caldeos y la toma definitiva de Babilonia, lo que marca una etapa nueva na política imperial: la unión personal de los tronos d’Asiria y Babilonia, ensin convertir esta última en provincia..
Fechos El rei Tiglatpileser III conquista Babilonia tres derrotar al usurpador caldéu Nabu-mukin-zeri y proclámase rei de Babilonia, siendo asina rei simultaneu d'Asiria y Babilonia.. Ye oficialmente coronáu como "soberanu d’Asia”, un títulu que refuercia la so posición nel conxuntu del Próximu Oriente. En Xudá, el rei Ezequíes Hezekiah xubiría al tronu tres la muerte d'Ajaz, anque dalgunes fontes retrasen l’eventu hasta'l 726 e.C.. En Tiru, Luli (o Eluleo) conviértese en rei tres la muerte de Mattan II, lo que marca l'empiezu d’un reináu llargu que s’estendería hasta la conquista asiria. El pueblu caldéu de Bit-Amukani, al que pertenecía Nabu-mukin-zeri, ye sometíu pol exércitu asiriu. Según les inscripciones del rei, segué la so tierra como con un guadañu y llevé a tolos sos habitantes a Asiria.. Tuvo llugar el sitiu final de Šapija, onde resistía Nabu-mukin-zeri resistíe. Según les Cróniques Babilóniques, foi capturáu y executáu. Según rellata Tucídides, alredor d'esti añu, los calcidios de Naxos fundaron les ciudaes de Catania y Leontinoi en Sicilia, anque les feches arqueolóxiques apunten alredor del 750 e.C. pa Catania y ente'l 750–730 e.C. pa Leontinoi. Nesta dómina (ca. 729 e.C.–678 e.C.), según Herodotu, empieza'l reináu de Perdicas I, el primer rei de Macedonia. Procedente d’Argos, estableció una monarquía hereditaria y fundó la dinastía arxéada.
Nacencies Nun se conocen persones nacíes nesti añu con datación precisa y documentación fiable.
Muertes Nabu-mukin-zeri, rei de Babilonia (usurpador caldéu), muertu tres el sitiu de Šapija y la entrada d’Asiria na ciudá.. Mattan II, rei de Tiru, muertu esti añu, probablemente por causes naturales o nel contestu del cambéu de dinastía..
Referencies
Enllaces esternos
Categoría:Sieglu VIII e.C.