El Club Xeitu ye una asociación española dedicada al estudiu, proteición y divulgación del patrimoniu cultural, históricu, documental, antropolóxicu, gráficu, folclóricu y natural del valle de Ḷḷaciana y de los montes asturiano-llioneses.Club Xeitu. Fines y oxetivos. L'asociación tien la so sede na llocalidá de Viḷḷablinu (Lleón), siendo la so presidenta honorífica María Luisa Jorissen García
L'anagrama d'esta entidá inspírase nuna grillándana (o griḷḷándana), una flor común nel cordal cantábricu y abondo frecuente en Ḷḷaciana.
Historia El Club Xeitu foi constituyíu'l 19 de febreru de 2009 en Cagüaḷḷes d'Abaxu por delles persones naturales o rellacionaes col Valle de Ḷḷaciana al envís de revitalizar y promover los valores patrimoniales del mesmu y de la so redolada xeográfica, centrándose especialmente na variante del asturianu occidental falada na zona (conocida popularmente como paḷḷuezu).
Actividá Una de les actividaes principales de l'asociación ye la publicación de llibros de temática diversa: diccionarios de paḷḷuezu-castellanu, guíes de flora autóctona, biografíes de personaxes llocales, historia, etc.El Club Xeitu publica "Vida y milagros de San Justo del Villar"El Club Xeitu asoleya un llibru sobre les plantes de Ḷḷaciana.
El Club Xeitu encárgase tamién del estudiu y la promoción del asturllionés. Asina, dende l'añu 2009 vien celebrando'l Certame Lliterariu Guzman ÁlvarezConvocado el 5º Certamen Literario en Patsuezu 'Guzmán Álvarez' xunto col concursu de recoyida de toponimia tradicional Concha de Lama, dende 2011El Club Xeitu convoca el III Concurso de Toponimia ‘Concha de Lama’, amás de recitales de poesía y homenaxes a figures importantes de la cultural autóctona (como los homenaxes a Isabel Alvarez, Melchor Cosmen o Fernando MayánEduardo Carbajo en el homenaje del Club Xeitu a su madre Isabel Álvarez. D'esta miente, publicó un diccionariu de paḷḷuezu iguáu por Manuel Gancedo en 2013.
Ente los sos oxetivos destaca la conservación y defensa del patrimoniu históricu y etnográficu. Nesti sen, denunciara públicamente l'abandonu y deterioru de la Piedra Furada de CarrasconteEl Club Xeitu solicita medidas urgentes de salvaguarda y restauración de la Piedra Furada de Carrasconte o l'afayu nun vertideru d'una placa commemorativa centenaria dedicada a Sierra y Pambley. La placa dedicada a Sierra Plambley de más de cien años de antigüedad, aparece en un vertedero de escombros
Asinamesmo, dispón d'un boletín periódicu (Xeitu) al traviés del que divulgar aquellos temes rellacionaos colos valles del noroeste de Lleón.
Ver tamién Asturllionés Ḷḷaciana Paḷḷuezu
Referencies
Enllaces esternos
Categoría:Asociaciones d'España Categoría:Provincia de Lleón