La infana raso (n'asturianu: «La raza infantil»), ye la principal obra lliteraria escrita nel idioma esperantu. Consiste nun poema de 25 capítulos, escrito pol escocés William Auld (1924-2006). La primera edición del poema espublizóse en 1995 con un prólogu de John Francis, y dende entonces han siguío-y diverses ediciones. Según los redautores: «La infana raso esplora'l rol de la especie humana nel tiempu y el cosmos», tema que tamién pue vese en Canto general del chilenu Pablo Neruda.
Basaos principalmente nesta obra, en 1999, l'Asociación d'Escritores n'Esperantu nombró a Auld como candidatu pal Premiu Nobel de Lliteratura. Nel prólogo de la primera edición John Francis escribe: «Ciertamente podemos aseverar que la nuesa lliteratura posee poemes, qu'quiparanse totalmente coles sos equivalentes n'idiomas nacionales; porque equí hai una obra, que responde a les necesidaes non sólo del so propio idioma, sinón que tamién a los de les lliteratures modernes internacionales». S'han espublizao diverses traducciones n'otros idiomes, como en neerlandés o portugués. Fragmentos del poema han sío espublizaos n'islandés, italianu, ente otros. Les versiones n'inglés, escocés y gaélicu apaecen incluíos nel llibru William Auld: Master Poet of Esperanto de Girvan McKay.
A pesar de l'admiración xeneral pola calidá lliteraria de la obra, dalgunos escritores n'esperantu han criticao'l llenguax imprudente y ciertes espresiones de dalgunos versos del poema. Auld respondió ha estes crítiques na tercera edición del poema.
Traducciones Inglés: The Infant Race; Girvan McKay. Escocés: The Bairnlie Race. Gaélicu: An Cinneadh Leanabail; Girvan McKay. francés: La race infantile; Jean-Pierre Danvy. húngaru: A gyermeki faj. Neerlandés: Het kinderras; Willem Verloren van Themaat. Portugués: A Raça Menina; Leopoldo H. Knoedt
Referencies
Categoría:Lliteratura n'esperantu Categoría:Llibros de poesía Categoría:Llibros de 1955 Categoría:Poesía moderna