11 Puppis (11 Pup / j Puppis / HD 65228 / HR 3102)11 Puppis (SIMBAD) ye una estrella na constelación de Puppis, la popa del Argo Navis. Docena en rellumu ente les estrelles de la so constelación, la so magnitú aparente ye +4,20.11 Puppis (Bright Star Catalogue) Alcuéntrase a unos 500 años lluz del Sistema Solar.
11 Puppis ye una xigante lluminosa blancu-mariella de tipu espectral F7/F8 II con una temperatura superficial de 5932 K. Anque les xigantes de tipu K y G-tardíu son abondosos, les de tipu F —más calientes— nun lo son tantu; 25 Monocerotis o ρ Puppis pertenecen a esta clase, pero 11 Puppis ye claramente más lluminosa que cualesquier d'elles. 11 Puppis relluma con una lluminosidá 457 vegaes superior a la del Sol y 20 vegaes superior a la de ρ Puppis. Tien un radiu 24 vegaes más grande que'l radiu solar11 Puppis. Catalogue of Stellar Diameters (CADARS) y ye una estrella masiva de 4,2 mases solares con una edá averada de 145 millones d'años.
Nun esiste unanimidá no referente a la metalicidá —bayura relativa d'elementos más pesaos que l'heliu— de 11 Puppis; un estudiu señala una metalicidá igual a la solar, ente qu'otru trabayu señala un conteníu metálico tres veces mayor que'l de la nuesa estrella.
Esta estrella nun tien de ser confundida con HD 64760, conocida tamién como J Puppis.
Referencies
Categoría:Estrelles Categoría:Constelación de Puppis