3 Ceti (3 Cet)3 Cet -- Variable Star (SIMBAD) ye una estrella asitiada na constelación de Cetus de magnitú aparente +4,95. Alcuéntrase, d'alcuerdu al nuevu amenorgamientu de los datos de paralax d'Hipparcos —1,56 ± 0,31 milisegundos d'arcu—, a unos 2090 años lluz del Sistema Solar, cifra namái averada dau l'ampliu marxe d'error inherente a la midida.
3 Ceti ye una superxigante naranxa de tipu espectral K3I. Tien una temperatura efectivo de 4183 ± 23 K —anque otros estudios rebaxen dichu valor hasta los 4052 K— y una lluminosidá 10.170 vegaes superior a la del Sol. Xira sobre sigo mesma con una velocidá de rotación proyeutada de 5,8 km/s. Presenta una metalicidá daqué más alzada que la solar ([Fe/H] = +0,22). Anque de xuru ye una estrella masiva, nun esiste consensu en cuantes al valor de la so masa; distintes fontes asitien dichu valor ente les 7,9 y les 9 mases solares. La so edá averada ye de cuasi 30 millones d'años.
3 Ceti apaez como posible variable nel New Catalogue of Suspected Variable Stars. Recibe la denominación de variable provisional de NSV 13.
Referencies
Categoría:Estrelles Categoría:Superxigantes Categoría:Estrelles variables Categoría:Constelación de Cetus