60 Leonis (60 Leo / b Leonis)60 Leonis (The Bright Star Catalogue) ye una estrella na constelación de Leo. De magnitú aparente +4,41, alcuéntrase a 127 años lluz del Sistema Solar.
60 Leonis ye una estrella blanca de la secuencia principal de tipu espectral A1mb Leo -- Variable Star (SIMBAD) que la so temperatura superficial ye de 8950 - 8972 K. Ye 22 vegaes más lluminosa que'l Sol y el so radiu ye un 90% más grande que'l radiu solar. Tien una edá averada de 450 millones d'años, polo que s'atopa na metá de la so vida dientro de la secuencia principal.60 Leonis (Stars, Jim Kaler) Al igual que Siriu (α Canis Majoris) o Deneb Algedi (δ Capricorni), ye una estrella Am o estrella con llinies metáliques. Estes estrelles tienen un conteníu anómalo de ciertos elementos que fueron emburriaos escontra la superficie, ente qu'otros hanse fundíu nel interior estelar pola fuercia de la gravedá. Esti efeutu namái se manifiesta con baxes velocidaes de rotación; nel casu de 60 Leonis la so velocidá de rotación proyeutada ye de 18 km/s, bien baxa pa una estrella de les sos carauterístiques —a títulu comparativu, Duhr (δ Leonis) rota diez veces más apriesa—.
Tocantes a la composición química, 60 Leonis presenta una rellación oxíxenu/hidróxenu menor que nel Sol —equivalente a un 23% de la mesma—, tando tamién la so superficie aprobetada en calciu. Otra manera, amuesa arriquecimientu de fierro y bariu, bien acusáu nel casu d'esti últimu elementu, que la so bayura ye cuasi diez veces más alta que la solar. Los niveles de siliciu y sodiu son comparables a los del Sol.
Referencies
Categoría:Estrelles Categoría:Estrelles blanques de la secuencia principal Categoría:Constelación de Leo