HD 154345 (HIP 83389 / GJ 651 / SAO 46452) ye una estrella na constelación d'Hércules de magnitú aparente +6,74.HD 147506 (SIMBAD) En 2007 anuncióse'l descubrimientu d'un planeta estrasolar n'órbita alredor d'esta estrella.
HD 154345 ye una nana mariella de tipu espectral G8V que s'atopa a 59 años lluz del Sistema Solar. Daqué más fría que'l Sol, tien una temperatura de 5468 K y presenta un conteníu metálico relativamente baxu en comparanza al del Sol ([Fe/H] = -0,15), polo que nel diagrama de Hertzsprung-Russell asítiase xusto debaxo de la secuencia principal.
El so radiu correspuende al 94% del radiu solar y rota amodo con una velocidá de rotación de 1,21 km/s. Tien una masa de 0,88 mases solares y créese que ye una estrella antigua con una edá cimera a 2000 millones d'años. El so nivel d'actividá magnética varia de forma sinusoidal con un periodu d'unos 9 años.
Sistema planetariu
El planeta estrasolar descubiertu, HD 154345 b, tien una masa igual al 95% de la masa de Xúpiter, polo que puede ser bien paecíu a ésti. Muévese nuna órbita a 4,19 UA de la estrella, siendo el so periodu orbital d'aproximao 9 años.HD 154345 (The Estrasolar Planets Encyclopaedia)
El vastu espaciu interior, aparentemente vacíu, ente HD 154345 y el so planeta, constitúi un oxetivu principal na busca de planetes terrestres na zona de habitabilidad alredor d'esta estrella análoga al Sol.
Ver tamién Llista de planetes estrasolares
Referencies
Categoría:Estrelles Categoría:Nanes marielles Categoría:Sistemes planetarios Categoría:Planetes estrasolares Categoría:Constelación d'Hércules