Ji Virginis o Chi Virginis (χ Vir / 26 Virginis / HD 110014 / HR 4813)Chi Virginis (SIMBAD) ye una estrella asitiada na constelación de Virgu. La so magnitú aparente ye +4,66 y alcuéntrase a 293 años lluz del Sistema Solar. Xunto a ψ Virginis y otres estrelles axacentes yera conocida en China como Tsin Teen. En 2009 anuncióse'l descubrimientu d'un planeta estrasolar orbitando alredor d'esta estrella.
Ji Virginis ye una xigante naranxa de tipu espectral K2III con una temperatura efectivo de 4445 ± 70 K, anque otres fontes dan una cifra inferior de 4379 K. Les sos carauterístiques son asemeyaes a les de la brillosa Arturu (α Bootis), magar ta 8 vegaes más alloñada qu'ésta. Con un radiu 21 vegaes más grande que'l radiu solar, la so velocidá de rotación proyeutada ye de 2,0 km/s. El so metalicidá, datu rellacionáu cola presencia de sistemes planetarios, ye cimeru a la solar ([Fe/H] = +0,19). Tien una masa envalorada ente 1,9 y 2,4 mases solares y una edá averada de 950 ± 400 millones d'años.
Sistema planetariu
En 2009 afayóse un planeta estrasolar masivu orbitando alredor de Ji Virginis. El planeta, detectáu per aciu variaciones na velocidá radial, tien una masa mínimo 11,1 vegaes mayor que la masa de Xúpiter. Muévese a lo llargo d'una órbita escéntrica (ε = 0,46) a una distancia media de 2,14 UA al respective de la estrella. El so periodu orbital ye de 835,5 díes.HD 110014 (The Estrasolar Planets Encyclopaedia)
Una vegada esaniciaes les perturbaciones producíes por Ji Virginis b, los analises residuales amuesen una segunda variabilidá na velocidá radial; anque la so naturaleza nun ta clara, una posible esplicación sería la presencia d'un segundu planeta.
Ver tamién Llista de planetes estrasolares
Referencies
Categoría:Estrelles Categoría:Xigantes naranxes Categoría:Sistemes planetarios Categoría:Planetes estrasolares Categoría:Constelación de Virgu