Mu Aquilae (μ Aql / 38 Aquilae)38 Aql -- Variable Star (SIMBAD) ye una estrella na constelación del Águila. De magnitú aparente +4,45, ye'l decimotercer astru más brillosu na so constelación. Alcuéntrase a 108 años lluz del Sistema Solar, siendo'l error en tala midida de namái'l 0,8%.38 Aql. Extended Hipparcos Compilation (XHIP) (Anderson+, 2012)
Carauterístiques Mu Aquilae ye una xigante naranxa de tipu espectral K3IIIb con una temperatura efectivo de 4428 ± 19 K. Ye 26 vegaes más lluminosa que'l Sol, lo que supón una baxa lluminosidá pa una estrella de les sos carauterístiques, yá que ye aproximadamente la metá de lluminosa que Pólux (β Geminorum) o ε Aquilae. Modelos teóricos dan-y un radiu ocho vegaes más grande que'l radiu solar, en concordanza col tamañu de 8,2 radios solares deriváu a partir del so diámetru angular —2,30 ± 0,02 milisegundos d'arcu—. Xira sobre sigo mesma con una velocidá de rotación proyeutada de 2,8 km/s.
Mu Aquilae tien una metalicidá igual a la solar ([Fe/H] = 0,00) y ye rica en cianóxenu, condición que comparte con Rasalas (μ Leonis) o Unukalhai (α Serpentis). Estes xigantes evidencien un escesu de nitróxenu de resultes de qu'una gran parte de la so carbonu tresformóse en nitróxenu per aciu el ciclu CNO.
Referencies
Categoría:Estrelles Categoría:Xigantes naranxes Categoría:Constelación d'Aquila