Psi Phoenicis (ψ Phe / HD 11695 / HR 555)V* psi Phe -- Semi-regular pulsating Star (SIMBAD) ye una estrella na constelación de Fénix. Alcuéntrase a unos 321 años lluz del Sistema Solar.
Psi Phoenicis ye una xigante colorada de tipu espectral M4III con una temperatura superficial de 3415 ± 87 K. De magnitú aparente media +4,44, ye una de les poques xigantes coloraes que pueden reparase a simple vista, al igual que γ Phoenicis, daqué más brillosa y nesta mesma constelación. La midida del so diámetru angular —considerando'l escurecimientu de llimbu— ye de 8,7 ± 0,3 milisegundos d'arcu. Esti valor correspuende a un diámetru estelar 85 vegaes más grande que'l del Sol, igual a 0,40 UA, aproximadamente la distancia esistente ente Mercuriu y el Sol. Xira sobre sigo mesma con una velocidá de rotación proyeutada ente 2,5 y 3,9 km/s. La so lluminosidá ye 882 vegaes superior a la lluminosidá solar y la so masa envalórase en 0,85 mases solares.
Al igual qu'otres xigantes coloraes, Psi Phoenicis ye una estrella variable. Catalogada como variable semirregular —estrelles con una evidente periodicidá nes sos variaciones chiscada de diverses irregularidaes—, el so rellumu varia ente magnitú +4,30 y +4,50 con un periodu de 30 díes.Psi Phoenicis (General Catalogue of Variable Stars)
Referencies
Categoría:Estrelles Categoría:Xigantes coloraes Categoría:Estrelles variables Categoría:Variables semirregulares Categoría:Constelación de Fénix