WZ Cassiopeiae (WZ Cas / HD 224855)WZ + Cas - Semi-regular pulsating Star (SIMBAD) ye una estrella variable na constelación de Cassiopeia. Alcuéntrase a una distancia averada de 2120 años lluz del Sistema Solar.
Carauterístiques físiques WZ Cassiopeiae ye una estrella de carbonu de tipu espectral CV2 —tamién catalogada como estrella SC— con una temperatura superficial de 3095 K. Nes estrelles de carbonu, al contrariu que na mayor parte de les estrelles, el conteníu de carbonu supera al d'oxíxenu; la rellación C/O en WZ Cassiopeiae, próxima a la unidá, ye de 1,01. Coles mesmes, amuesa una rellación ente los isótopos 12C/13C igual a 4,5, polo que ye una estrella bien rica en carbonu-13 en comparanza a otres estrelles de carbonu de la galaxa. Esti fechu, xuníu a la so elevada bayura relativa de litiu, probablemente tien el so orixe nun nucleu caliente onde tien llugar la fusión nuclear de 12C en 13C y 14N. Toos estos factores indiquen que WZ Cassiopeiae tien una masa elevao.
Les estrelles de carbonu esperimenten una perda de masa estelar significativa, que nel casu de WZ Cassiopeiae ye de 1,3 × 10-7 mases solares per añu. La so lluminosidá bolométrica —considerando toles llonxitúes d'onda— ye 12.100 ~ vegaes superior a la lluminosidá solar. Por aciu interferometría midióse'l so diámetru angular en banda K, que ye de 5,93 ± 0,72 milisegundos d'arcu. Ello dexa evaluar el so diámetru real, resultando ser ésti 415 vegaes más grande que'l diámetru solar; dicha cifra, al depender de la distancia y dada la incertidume na mesma, ye namái averada.
Variabilidá Catalogada como variable semirregular SRB, WZ Cassiopeiae amuesa variaciones de rellumu ente magnitú aparente +9,4 y +11,4.WZ Cassiopeiae (General Catalogue of Variable Stars) Al igual qu'otres variables semirregulares, ye una variable multiperiódica con dos periodos claramente definíos de 366 y 186 díes, que s'atribúin a pulsaciones radiales na superficie. Sicasí, esisten variaciones nuna escala de tiempu mayor —del orde de miles de díes— que podríen tar rellacionaes col campu magnéticu estelar o con dalgún ciclu d'actividá magnética.
Ver tamién Llista d'estrelles variables
Referencies
Categoría:Estrelles Categoría:Estrelles de carbonu Categoría:Estrelles variables Categoría:Variables semirregulares Categoría:Constelación de Cassiopeia