Z Canis Majoris (Z CMa / HD 53179 / HIP 34042)HD 53179 -- Variable Star of Orion Type (SIMBAD) ye un sistema estelar de magnitú aparente +9,85 na constelación del Can Mayor. Alcuéntrase a una distancia envalorada de 3000 años lluz respectu al Sistema Solar.
Z Canis Majoris nun sistema binariu de tipu espectral B8 resueltu por interferometría de moteáu nel infrarroxu cercanu en 1991. Consiste en dos estrelles bien nuevos de namái 50.000 años d'edá. Una de les componentes ye una estrella Herbig Ae/Be con una masa envalorada 12 vegaes mayor que la masa solar. Ye 2400 vegaes más lluminosa que'l Sol y tópase arrodiada por una envoltura de polvu. La segunda componente ye una estrella FU Orionis de 3 mases solares. Tien una temperatura efectivo de 10.000 K y la so lluminosidá ye 1300 vegaes mayor que la lluminosidá solar. El so radiu ye 13 vegaes más grande que'l de Sol.
Dambos oxetos tán arrodiaos por discos de acreción activos. Les propiedaes d'estos discos son difíciles d'evaluar, pos tampoco puede refugase la esistencia d'un únicu discu arrodiando a dambes estrelles. Asumiendo un únicu discu alredor de la estrella Herbig Ae/Be, la masa d'ésti pue ser de 7 ~ × 10-4 mases solares; amás, los modelos predicen un tamañu máximu de 1 ~ cm pa los granos de polvu. La so forma podría ser la d'un toroide con un radiu internu de 2000 UA y un radiu esternu de 5000 UA. El so enclín sería de 30º dende la nuesa llinia de visión.
Asociáu al sistema binariu hai un «jet» xigante del tamañu d'un pársec. Observaciones de polarimetría amuesen que l'ángulu de posición de la polarización óptica llinial ye perpendicular a la exa del jet; ello significa que la lluz escapa de la envoltura de la estrella Herbige Ae/Be por cuévanos alliniaes con dichu exa y ye entós tremada escontra la llinia de visión del observador. Apocayá'l sistema esperimentó l'españíu más grande de los postreros 90 años.
Referencies
Categoría:Estrelles Categoría:Estrelles Herbig Ae/Be Categoría:Estrelles binaries Categoría:Estrelles variables Categoría:Variables Orión Categoría:Constelación de Canis Maior