Maria Salomea Skłodowska , conocida como Marie Curie, foi una física francesa d'orixe polacu, que recibió'l premiu Nobel de Física en 1903 y el premiu Nobel de Química en 1911.
Biografía So pá y so ma yeren profesores, y foi la quinta fía d'una familia que contaba yá trés nenes.
En 1891, Marya treslládase a Francia pa estudiar Física y Química na Sorbona y adapta'l so nome al francés, pasando a llamase Marie Sklodowska. Nesta Universidá conoció a Pierre Curie, col que casó en 1895, pasando a llamase Marie Curie. D'esti matrimoniu, nació la so fía Irène en 1897.
Col so maríu, estudió los materiales radiactivos, especialmente l'uraniu. Como frutu d'esti llabor, en 1898, fueron a aisllar dos elementos químicos, a los que nomaron poloniu, n'homenaxe a la so patria natal, y radiu, pola mor de la so intensa radiactividá.
En 1903 recibió'l premiu Nobel de Física, con Pierre Curie y Henri Becquerel. Marie Curie convertíase asina na primer muyer en recibir el premiu Nobel.
Tres la muerte de Pierre Curie nun accidente de circulación en 1906, Marie accede a la cátedra de Física na Sorbona ocupada anteriormente pol so maríu, siendo la primer muyer profesora d' Universidá en Francia.
En 1911 concedieron-y el premiu Nobel de Química, colo que foi la primer persona en recibir dos veces esti gallardón.
Durante la Primer Guerra Mundial propunxo utilizar la radiografía móvil pa tratar a los soldaos firíos. Cola so fía Irène como asistente, marchó al frente nun vehículu equipáu d'un aparatu de rayos X.
El 4 de xunetu de 1934 morrió a causa d'una leucemia nun sanatoriu de Sancellemoz (Saboya).
El 21 d'abril de 1995 treslladaron los sos restos y los de Pierre Curie, al Panteón de París, onde foi la primer muyer en tar enterrada.
thumb|150px|left|Marie Curie 150px|thumb|left|Premiu Nobel de Física. 1903 150px|thumb|left|Premiu Nobel de Química. 1911
Referencies
Enllaces esternos
Categoría:Persones de Francia Categoría:Científicos y científiques Categoría:Premiu Nobel de Física Categoría:Premiu Nobel de Química Categoría:Persones de Varsovia