Charles Durning el Nuevu Herald: Muerre Charles Durning, rei d'actores de calter foi un actor d'Estaos Xuníos.
Biografía Nació en Highland Falls, nel Estáu de Nueva York, fíu d'un oficial del exércitu. Foi llamáu a files por cuenta de la Segunda Guerra Mundial y participó nel desembarcu de les fuercies aliaes en Normandía; nuna de les batalles resultó mancáu. De regresu a los Estaos Xuníos realizó diversos trabayos. Unu d'ellos foi'l d'instructor de baille de salón. Tamién fixo pequeños papeles nel teatru, onde-y vio un productor, que lu contrató pal Festival de Teatru de Shakespeare en Nueva York. A partir d'entós, Durning intervieno en más de 30 obres teatrales, según tamién en delles películes.
Durning tuvo'l so primer ésitu importante nel teatru nel añu 1970, na obra That Champion Season, que ganó un Tony, el premiu más importante del teatru n'América. Pocos años dempués, en 1973 repitió esti ésitu al intervenir na película El golpe, con Paul Newman y Robert Redford, na qu'encarnó a un policía corruptu. La película ganó dellos Óscar. Durning tenía entós 50 años d'edá. Trabayara de forma siguida, pero nun llamara l'atención como actor. A partir d'entós les coses camudaron. Trabayó ensin fuelgu como unu de los actores secundarios más solicitaos. Les sos dotes d'interpretación dexáben-y realizar ensame de papeles distintos, y la so presencia nes películes contribuyó notablemente al so ésitu.
Dalgunes de les memorables actuaciones de Durning fueron el so papel de policía qu'intenta axustar con Al Pacino en Dog Day Afternoon, de presidente en Twilight's Last Gleaming, o de padre de Jessica Lange que se namora d'un Dustin Hoffman amarutáu de muyer en Tootsie. Foi nomináu al Óscar como meyor actor de repartu en 1982 por The Best Little Whorehouse in Texas y al añu siguiente por To Be or Not to Be, la nueva versión del clásicu d'Ernst Lubitsch realizada por Mel Brooks. Tamién siguió actuando nel teatru, onde se-y consideró igualmente un gran actor de calter. En 1989 ganó un Tony como meyor actor de repartu pol so papel del padre en La gata sobre'l teyáu de cinc, obra que tuvo en cartel en Broadway.
La capacidá de trabayu de Durning llevólu a intervenir tamién en numberoses películes y mini-series de televisión, nes qu'actuó con actores famosos, como Dustin Hoffman y Burt Reynolds, y coles que collechó tamién considerables ésitos. En 1975 fuera nomináu a un premiu Emmy, y 15 años más tarde, en 1990, ganar pol so papel na mini-serie The Kennedys of Massachusetts.
Durning casóse en dos causes. De la so primer esposa divorcióse en 1972, y al añu siguiente volvió casase. Tuvo tres fíos de la so primer esposa.
L'actor finó en Manhattan el 24 d'avientu de 2012 por causes naturales.
Filmografía Hunt for the Devil (2003) Jesus, Mary and Joey (2003) Death and Texas (2003) One Last Ride (2003) The Last Man Club (2002) The Naked Run (2002) Mother Ghost (2002) L.A.P.D.: To Protect and to Serve (2001) Turn of Faith (2001) Lakeboat (2001) Never Look Back (2000) State and Main (2000) The Last Producer (2000) Very Mean Men (2000) O Brother, Where Art Thou? (2000) Hi-Life (1998) Jerry and Tom (1998) L'últimu abellugu (1998) The Secret Life of Algernon (1997) Un día inolvidable (1996) Recon (1996) Spy Hard (1996) Home for the Holidays (1995) The Grass Harp (1995) The Last Supper (1995) I.Q. (1994) The Hudsucker Proxy (1994) La música del azar (1993) V.I. Warshawski (1991) Fatal Sky (1990) Dick Tracy (1990) Cat Chaser (1989) Brenda Starr (1989) Ballet (1988) Far North (1988) Cop (1988) A Tiger's Tale (1988) The Rosary Murders (1987) Happy New Year (1987) Solarbabies (1986) Tough Guys (1986) Where the River Runs Black (1986) Big Trouble (1986) Stand Alone (1985) Stick (1985) The Man with One Red Shoe (1985) Death of a Salesman (1985) Hadley's Rebellion (1984) Mass Appeal (1984) To Be or Not to Be (1983) Tal pa Cual (película) (1983) Tootsie (1982). The Best Little Whorehouse in Texas (1982) La escura nueche del espantuxu (1981) Sharky's Machine (1981) True Confessions (1981) Die Laughing (1980) The Final Countdown (1980) When a Stranger Calls (1979) Starting Over (1979) North Dallas Forty (1979) The Muppet Movie (1979) Tilt (1979) The Greek Tycoon (1978) An Enemy of the People (1978) The Fury (1978) The Choirboys (1977) Twilight's Last Gleaming (1977) Harry and Walter Go to New York (1976) Breakheart Pass (1975) Hindenburg (1975) Dog Day Afternoon (1975) Primer plana (1974) El golpe (1973) Sisters (1973) Deadhead Miles (1972) Doomsday Voyage (1972) Dealing: Or the Berkeley-to-Boston Forty-Brick Lost-Bag Blues (1972) The Pursuit of Happiness (1971) I Walk the Line (1970) Hi, Mom! (1970) Harvey Middleman, Fireman (1965)
Premios Óscar Añu Categoría Película Resultáu1983Meyor actor de repartuTo Be or Not to BeCandidatu1982Meyor actor de repartuThe Best Little Whorehouse in TexasCandidatu
Globu d'Oru Añu Categoría Película Resultáu1983Meyor actor de repartuTo Be or Not to BeCandidatu
Premios del Sindicatu d'Actores Añu Categoría Resultáu2007Premiu d'HonorGanador
Referencies
Categoría:Persones de Nueva York