Romaine Fielding foi un actor, guionista y direutor cinematográficu d'Estaos Xuníos.
Biografía El so verdaderu nome yera William Grant Blandin, y nació en Bowling Green (Kentucky). Foi actor teatral mientres dellos años, hasta qu'en 1911 empezó a actuar, escribir y dirixir cine mudu pa la compañía sita en Filadelfia Lubin Manufacturing Company. L'estravagante Fielding foi direutor xeneral de les operaciones de Lubin na Costa Oeste de los Estaos Xuníos, rodando diversos westerns de temática mexicana y filmes d'aventures, toos ellos con llocalizaciones en California, Arizona, y Nuevu Méxicu.
Tres la desapaición de la compañía Lubin en 1917, Romaine Fielding tuvo estremáu del cine hasta 1920, años nel que retomó la so actividá como actor y direutor, y que siguió hasta'l momentu de la so muerte, asocedida en 1927 en Hollywood por causa d'una trombosis. Tenía cincuenta y nueve años d'edá. Foi enterráu nel Campusantu Forest Lawn Memorial Park de Glendale (California).
Había estáu casáu con Mabel van Valkenburg dende 1907 a 1917, añu nel que se divorciaron. Casóse en segundes nupcies en 1918 con Naomi Sachs, una actriz que'l so nome artísticu yera Joan Arliss, y cola que tuvo tres fíos.
Referencies
Enllaces esternos
Categoría:Actores y actrices de cine mudu Categoría:Guionistes de cine d'Estaos Xuníos Categoría:Direutores de cine d'Estaos Xuníos Categoría:Persones d'Iowa