Gina Rodriguez ye una actriz d'Estaos Xuníos, más conocida por interpretar a Mayo Tenorio na película de drama musical Filly Brown, a Beverly nel serial televiso (soap opera) The Bold and the Beautiful, y a Jane Villanueva na comedia de The CW Jane the Virgin, pola que ganó un Globu d'Oru a la meyor actriz d'una serie de televisión.
Primeros años Rodriguez nació en Chicago, Illinois y ye fía de padres portorricanos. El so padre ye Genaro Rodríguez, un referee de boxéu y la so madre ye Magali Rodríguez. Ye la más pequeña de trés hermanes. A la edá de siete años, Rodríguez actuó na compañía de baille de salsa Fantasía Xuvenil. Crióse nel catolicismu, y en secundaria asistió a St. Ignatius College Prep. Siguió baillando salsa hasta los diecisiete. A los 16 años, xunto con 13 mozos más foi aceutada na Collaboración Teatral de la universidá de Columbia. Asistió a la Escuela d'Arte Tisch de la universidá de Nueva York. Tuvo cuatro años de formación nel Atlantic Theater Company y Experimental Theatre Wing, au se graduó con una llicenciatura en Belles Artes en 2006.
Carrera El 19 d'ochobre de 2011, Rodriguez llogró'l papel recurrente de Beverly nel serial televisivu The Bold and the Beautiful. Llogró un papel nel musical Go for It, pol que foi nomada a un Imaxe Awards en 2011. Apaeció en Filly Brown, y ganó una Imaxe Awards pola so participación. El 23 de febreru de 2014, Entertainment Weekly anunció que Rodriguez interpretaría'l papel principal de Jane Villanueva en Jane the Virgin El 4 de xunu de 2014, entró al repartu de la próxima película Sticky Notes que va estrenase en 2016.
Vida privada La so hermana mayor Iveliss Rodriguez Simon ye una banquera y la so media hermana Rebeca ye doctora. Iveliss pagó la carrera de Gina na Escuela d'Arte Tisch de la universidá de Nueva York. Nuna entrevista, Rodriguez reveló que sufriera d'una enfermedá del tiroides dende los 19. Rodriguez tuvo saliendo col actor Henri Esteve dende mayu 2014 dempués de que se conocieron nuna fiesta de despidida.
Filmografía Películes Añu Película Personaxe Notes 2008 Calling It Quits Dayplayer 2009 Osvaldo's Ana Daisy Curtiumetraxe 2010 Our Family Wedding Dama d'honor 2010 My Super Psycho Sweet 16: Part 2 Courtney Ramirez 2010 Go for It! Gina 2012 Filly Brown Mayo Tonorio 2012 California Winter Ofelia Ramirez 2013 Interstate Nayeli Curtiumetraxe 2013 Enter the Dangerous Mind Adrienne 2013 The Price We Pay Médicu (voz) Curtiumetraxe 2013 Sleeping with the Fishes Alexis Fish 2014 Wild Blue Pilar Robles Película de televisión 2014 Sharon 1.2.3. Cindy Película de televisión 2015 Sticky Notes Natalia Post Producción 2016 Deepwater Horizon Andrea Fleytas Filmando
Televisión Añu Serie de televisión Personaxe Notes 2004 Law & Order Yolanda Episodiu: "Enemigu" 2005 Jonny Zero Rose Episodiu: "La Familia" 2008 Law & Order Inez Soriano Episodiu: "Illegal" 2009 Eleventh Hour Robin Episodiu: "Subway" 2010 10 Things I Hate About You Danica Episodiu: "Meat Is Murder" 2010 Army Wives Marisol Evans 3 episodios 2011 Happy Endings Rita Episodiu: "¿Por qué nun puedes lleeme?" 2011 The Mentalist Elvia Episodiu: "Pink Tops" 2011–2012 The Bold and the Beautiful Beverly 15 episodios 2012 No Names Megan 3 episodios 2013 Longmire Lorna Dove Episodiu: "La Fiesta acabó" 2013 Rizzoli & Isles Lourdes Santana Episodiu: "Built for Speed" 2014–2019 Jane the Virgin Jane Villanueva Protagonista
Premios y nomamientos Añu Premios Categoría Trabayu Resultáu 2013 ALMA Award Llogru especial Filly Brown 2013 Lupe. Awards Meyor actriz Ella mesma 2015 Premios Globu d'Oru Globu d'Oru a la meyor actriz de serie de televisión - comedia o musical Jane the Virgin 2015 Premios de la Crítica Televisiva Premiu de la Crítica Televisiva a la meyor actriz en serie de comedia Meyor actriz en serie de comedia Jane the Virgin 2015 Television Critics Association Awards Llogro individual en Comedia Jane the Virgin 2015 Teen Choice Awards Eleición Actriz de TV - Comedia Jane the Virgin
Referencies
Enllaces esternos
Categoría:Actores y actrices d'Estaos Xuníos Categoría:Persones de Chicago