La manzanilla marítima (Tripleurospermum maritimum susp. inodorum) ye una planta de la familia de les compuestes.
Descripción Añal de 10-50 cm d'altor, erecta, ensin pelos; fueyes delles vegaes estremaes hasta'l nerviu, xenerando segmentos numberosos y finos como filos, agudos, bien pocu o nada goliosa al contrariu qu'otres manzanillas. Flores de dos clase, un tubulares, marielles, axuntaes nel centru y sobre una "almadina", (receptáculu), semiesférica, con pequeñes "escamitas" ente elles; otres con una llámina blanca, (lígula) y asitiaes nel cantu del receptáculu, formando ente dambes y les bráctees una agrupación llamada capítulu que tien nesti casu unos 20-35 mm de diámetru y ta instaláu a la fin de los tarmos, sobre un rabillu llargu y finu. Frutu con costielles bien separaes (costielles en contautu o llixeramente dixebraes en Matricaria maritima)
Distribución y hábitat Nativa en: Asia templada: Turquía; n'El Cáucasu: Azerbaixán, Xeorxa, Federación de Rusia (Ciscaucasia y Daguestán); Siberia: (Federación de Rusia, Siberia occidental): Asia central: Kazakstán; China (Sinkiang). Y en toa Europa sacante Islandia: Europa del Norte: Dinamarca, Finlandia, Irlanda, Noruega, Suecia y Reinu Xuníu. Europa Central: Austria, Bélxica, República Checa, Alemaña, Hungría, Holanda, Polonia y Suiza. Europa oriental: Albania, Bulgaria, antigua Yugoslavia, y Rumanía. Europa del Sur: Italia y Grecia Europa Occidental: Francia, Portugal y España. Tol Mediterraneu, pero ausente na mayoría de les islles.
Vive en baldíos o en barbechos, cunetes y llugares alteriaos pol home.
Sinónimos Tripleurospermum perforatum (Mérat) M.Laínz Matricaria perforata Mérat Tripleurospermum inodorum (C.Koch.) Schultz Bip. Matricaria inodora L. nom. illeg. (basónimu)
Referencies
Enllaces esternos
maritimum subsp. inodorum Categoría:Flora d'Europa Categoría:Flora d'Asia Categoría:TBSpecies