Edward Jenner foi un médicu inglés que trabayaba na llocalidá inglesa de Berkeley, en Gloucestershire. Fízose famosu pola invención de la vacuna. Estudió anatomía y ciruxía xunta'l ciruxanu John Hunter.
El médicu inglés Edward Jenner realiza la primer inoculación de la vacuna contra la viruela, ún de los más espantibles males que sufría la humanidá d'aquella: una de cada diez persones morría d'ello. Jenner decatóse de que los que sufrieren prevamente la viruela vacuna (enfermedá de les vaques menos agresiva) amosaban dempués una mayor resistencia a la viruela. El 14 de mayu de 1796 emplegó pus d'una mancadura de la mano de Sarah Nelmes, catadora que contraxera la viruela de la so vaca, y inoculó-ylo a James Phipps, un neñu saludable de 8 años, per aciu de dos incisiones superficiales. El neñu desenvolvió una leve enfermedá que desapaeció ensin complicaciones. El 1 de xunetu, inoculó-y de dellos pinchazos al nenu la espantible viruela, y nun enfermó.
El descubrimiento de Jenner asoleyóse nel so llibru "An Inquiry into the Causes and Effects of the Variolae Vaccinae, a Disease Known by the Name of Cow Pox" (Investigaciones sobro les causes y efeutos de les vacunes de la viruela) en 1798, colo qu'afitó'l términu virus.
Referencies
Enllaces esternos
Artículos de Jenner sobre la vacunación The Jenner Museum
Categoría:Médicos y médiques del Reinu Xuníu Categoría:Masones del Reinu Xuníu Categoría:Historia de la medicina Categoría:Persones del Reinu Xuníu Categoría:Miembros de la Royal Society