Un esperantista ye una persona que fala o usa l'idioma internacional esperantu. Etimolóxicamente un esperantista ye daquién qu'alluga esperanza. Anque les definiciones pa esperantista puedan variar, según la Declaración de Boulogne un esperantista ye daquién que sabe y usa l'esperantu pa dalgún fin.
Un esperantista tamién puede ser daquién que participa na cultura esperantista, o que sofita o estudia la mesma d'una u otra forma. N'ocasiones intentóse faer la diferencia ente esperantista como la persona que sofita la idea del esperantu, y esperantófono como quien lo fala, independiente de los sos motivaciones, pero esta distinción nun enraigonó.
Llista d'esperantistes famosos
Esperantistes importantes Ludwik Lejzer Zamenhof, creador del esperantu. William Auld, poeta esperantista escocés nomináu a los premios Nobel de lliteratura. Kazimierz Bein, "Kabe", famosu activista esperantista que sópitamente dexó'l movimientu esperantista. Frederic Pujulà i Vallès, pioneru del esperantu en Cataluña y escritor en catalán. Émile Boirac, escritor y psicólogu francés y primer presidente del comité llingüísticu esperantista (posterior "Akademio d'Esperantu") Eugenio Lanti, principal organizador del esperantismu obreru. Claude Piron, psicólogu esperantista y escritor. John C. Wells, fonéticu británicu y profesor d'esperantu. Antoni Grabowski, el padre de la poesía n'esperantu. Sándor Szathmári, figura líder de la lliteratura n'esperantu. Boris Kolker, eruditu esperantista y miembru clave de la Akademio de Esperanto Fernando de Diego, foi un periodista y filólogu español, consideráu unu de los principales traductores d'obres de lliteratura en castellán al esperantu. Miembru d'honor de la UEA, ye autor del "Gran Diccionariu Español-Esperantu".
Políticos Franz Jonas, presidente de la República d'Austria. Josip Broz Tito, xefe d'estáu de Yugoslavia, deprendió esperantu mientres congresos internacionales.Esperanto en Perspektivo, p 215, 1974. Richard Bartholdt, representante de Missouri nos Estaos Xuníos d'América. Kevin Baugh, presidente de la República de Molossia Małgorzata Handzlik, miembru del parllamentu européu. Julio Mangada, militar español, líder de la Columna Mangada mientres la Guerra Civil. Emilio Herrera, militar y científicu español, presidente del gobiernu español nel exiliu. Francisco Azorín, arquiteutu y diputáu socialista mientres la II República Española Cayetano Redondo, alcalde de Madrid mientres la Guerra Civil Española. Blas Infante, políticu nacionalista andaluz, consideráu como "Padre de la Patria Andaluza" Taiji Yamaga, anarquista xaponés.
Escritores Marjorie Boulton, escritora británica. Escribe n'inglés y esperantu. Ba Jin, prolíficu novelista chinu y miembru de l'Asociación China d'Escritores. Jules Verne, autor francés, incorporó l'esperantu a la so última obra inacabada. Lev Tolstói, escritor y filósofu rusu, quien dixo aprender a escribir esperantu en dos hores d'estudiu. Julio Baghy, poeta, miembru de l'Academia d'Esperantu ya impulsor del movimientu esperantista. Henri Barbusse, escritor francés, presidente honorariu del primer congresu de la SAT (Sennacieca Asocio Tutmonda) Ludwig Renn, escritor n'alemán, y comandante de les Brigaes Internacionales mientres la guerra civil española. Edmond Privat, autor suizu, periodista, profesor universitariu, diplomáticu, activista del movimientu. Nikolái Nekrásov, escritor esperantista rusu, traductor y críticu. Vladímir Varankin, escritor rusu. Gerrit Berveling, poeta esperantista holandés, traductor y editor de revista lliteraria, Fonto. Jorge Camacho Gordón, escritor esperantista español. Cezaro Rossetti, escritor esperantista escocés. Hector Hodler, periodista suizu, traductor, organizador, y filántropu. Kálmán Kalocsay, ciruxanu húngaru, poeta, traductor, y editor. Marjorie Boulton, autor y poeta británicu; investigador y escritor. Georges Lagrange, escritor esperantista francés, miembru de l'academia d'esperantu. Þórbergur Þórðarson, escritor islandés. Tron Øgrim, periodista, autor y políticu noruegu. Harry Harrison, escritor de ciencia ficción.
Científicos Leonardo Torres Quevedo, inxenieru ya inventor español. Dr. Carlos Cortezo, médicu y ministru español. José Revilla Haya, inxenieru y xeólogu español. Ricardo Codorníu y Stárico, padre de la inxeniería forestal española Bertalan Farkas, cosmonauta húngaru. Daniel Bovet, farmacólogo italianu y ganador del Premiu Nobel de Psicoloxía en 1957, aprendió esperantu como primer idioma. Reinhard Selten, economista alemán y ganador del Premiu d'Economía n'honor de Nobel en 1994, pol so trabayu na teoría de xuegos. Ye autor de dos llibros n'esperantu sobre esta tema. Yrjö Väisälä, astrónomu finlandés, afayó los asteroides 1421 Esperantu y 1462 Zamenhof.
Relixosos Maximiliano Kolbe, santu católicu polacu y miembru de la orde de los Franciscanos conventuales. Foi martirizáu nel campu de concentración d'Auschwitz. Titus Brandsma, beatu católicu holandés, miembru d'orde de los carmelites y activu opositor al nazismu. Morrió nel Campu de concentración de Dachau Xuan Pablo II, dio dellos discursos usando l'esperantu a llongura de la so vida.
Otros Onisaburo Deguchi, una de les principales figures del movimientu relixoso xaponés Ōmoto. George Soros, millonariu y filántropu d'Estaos Xuníos d'orixe húngaru. El so padre, Tivadar Soros, foi un editor n'esperantu. Alfred Fried, Premiu Nobel de la Paz y autor d'un llibru de testu n'esperantu. Les hermanes Susan, Judit y Sofia Polgar, axedrecistes de peraltu nivel, que foron educaes pol so padre László Polgár, profesor húngaru, por aciu un métodu propiu qu'incluyía'l deprendimientu d'esperantu dende neñes. Jan Fethke, direutor de cine polacu. David Gaines, compositor de música clásica contemporánea de nacionalidá d'Estaos Xuníos. Petr Ginz, mozu esperantista qu'escribió un diccionariu esperantu-checu pero que darréu morrió nun campu de concentración con 16 años. El so dibuxu de la lluna llevóse a bordu del Tresbordador Espacial Columbia. El so diariu, orixinalmente en checu, ta traducíu al castellán, catalán, esperantu ya inglés.
Referencies
Enllaces esternos 100 eminentaj esperantistoj (eo)
Categoría:Esperantistes