Los Xardinos de Caparines de Victoria () tán na Rexón del Gran Victoria, cerca de Brentwood Bay, Canadá, y son unu de los sitios turísticos más populares na rexón de Victoria. Los Xardinos son conocíos por tener una variedá d'especies de caparines y poliyes nes sos instalaciones interiores; tamién tienen aves, peces, xaronques, un camaleón, gecos y tortúes.
El mediu ambiente Les instalaciones interiores son controlaes por ordenadores pa caltener la temperatura, la lluz, la borrina, l'enfriamientu y el mugor de la selva simulada de 1.200 metros cuadraos. El mediu ambiente tien más de 200 especies de plantes tropicales, incluyendo plantes carnívores y una cascada que connecta a la corriente.
Caparines Los Xardinos de Caparines de Victoria tienen más de 50 especies (una población de 6000) de caparines que vuelen, ponen güevos y comen dientro de les instalaciones. Los visitantes pueden reparar cómo les caparines salen de les sos crisálides nel escaparate de caparines; aproximadamente 400 a 700 caparines remanecen cada selmana. Cada selmana, van importase caparines de criadorios de caparines en Costa Rica, Filipines, Malaiia y Londres.
Les plantes nel xardín llámense plantes hospederas y nutricies pa les caparines. Les plantes hospederes son utilizaes poles caparines pa poner los sos güevos, y les plantes de comida» son utilizaes poles caparines p'alimentase. Sicasí, nel xardín tamién hai «bandexes d'alimentación», que dalgunes de les caparines, como les morphos azules y les caparines uxu usen pa comer.
Aves y peces Los regatos y l'estanque de los xardinos son el llar de dos variedaes de kois.
Tamién hai munchos tipos d'aves. Dalgunes vuelen coles caparines, y otres viven na agua. Les aves más populares son Spike (un iIbis de la Puna), Mangu y Houdini (flamencos del Caribe), y Leo (un loru guaro del Amazones). Otros páxaros inclúin frinxílidos, canarios, periquitos, un turaco de cara blanca y otros.
Llugares de caparines y cares de calabaza El primer Llugares de Caparines y Cares de Calabaza añal producióse'l 19 d'ochobre de 2008 pa sofitar la sala de pediatría nueva nel Hospital Xeneral de Victoria.
Referencies
Enllaces esternos
Categoría:Xardinos Categoría:Canadá