Tamién ye editor, periodista, críticu o compositor y músicu de grupos de rock como Hawkwind. Naz nuna rexón de Londres, Reinu Xuníu. Abandona a los 15 años los estudios pa participar en distintes actividaes del "fandom" británicu, dende música hasta política (nel anarquismu).
Moorcock ye un siguidor de la obra de Mervyn Peake casi tanto como detractor de J. R. R. Tolkien. En 1962 casóse cola periodista Hilary Bailey. Divorciaríase y volvería casase con Jill Riches, de la que se dixebraría en 1979.
Nueva Fola
Moorcock dende 1964 hasta 1971 edita'l selmanal de ficción New Worlds dende onde empieza a xestase como la punta de llanza d'un recién movimientu rexenerador y esperimental conocíu como Nueva Fola o New Wave.
La fantasía occidental más clásica basábase, no xeneral, nel combate ensin fin del Bien y el Mal, terminando siempres na victoria final del Bien. Quiciabes como influencies del cristianismu más xeneralizáu. Esto empieza a camudar mientres los años 60, marcaos pola tresgresora apuesta de romper colo más tradicional y establecíu de la sociedá.
La propuesta llanzada nun primer momentu dende'l selmanal de Moorcock, pasa asina por intentar dexase influyir por nuevu puntos de vista onde abonda l'ambigüedá o'l descontrol de sentimientos.
El campeón eternu
Dientro de la fantasía heroica, centra munches de les sos noveles nel conceutu del "Campeón Eternu". Un héroe condergáu con múltiples aspeutos y en distintes realidaes. Estes realidaes o universos paralelos interconeutaos ente sigo formen el llamáu Multiverso. Nellos hai una llucha continua non yá ente'l bien y el mal, tamién ente la "Llei" (orde, xerarquía, anquilosamiento, civilización) y el "Caos" (cambéu, llocura, guapura inconcebible y retorcigañada, desorde), la supremacía d'unu de los dos supón el fin d'esi planu. Percima d'estes fuercies, la "Balanza Cósmica" como una entidá arbitraria, un equilibriu ente dambes fuercies. Los siguidores de la Balanza busquen la autorrealización y la felicidá, los del Caos y la Llei no fondero lo que busquen ye'l conformismu, poder y conocencies gracies a la perda de la so llibertá.
Llibros
Elric de Melniboné
Ciclu d'Elric: Elric de Melniboné, ** La Fortaleza de la Perlla, ** Marineru de los Mares del Destín, ** El misteriu del Llobu blancu, ** La torre evanescente, ** La vengación de la rosa, ** La maldición de la Espada Negra, ** Portadora de nubes.
Elric De Melniboné, ye l'últimu emperador de Melnibone, la islla dragón. Na so eterna busca de sigo mesmu abandona la ciudá de Imrryr nun autoexilio p'atopar una meyor manera de gobernar Melnibone y buscar respuesta a los misterios que lu acoraden, asina dexa al cargu del so reinu al so primu Yyrkoon (quien trato de quitar el so reinu enantes y foi vencíu por Elric), y, dexa tamién a la so amada Cymoril, hermana de Yyrkoon. Pasa enforma tiempu fora del so reinu, viaxando polos planos del multiverso, conociendo aliaos como Moonglum de Elwher, un pelirroxu bellacu que col tiempu ayuda al murniu Elric nos sos problemes y peripecies.
Estos rellatos, narren la vida de Elric, les sos murnies y allegríes pasaxeres, como la so espada llamada Tormentosa (tamién mentada en dellos llibros como Stormbringer) que munches vegaes quita la vida de quien más ama Elric.
Corum
Les noveles de Moorcock basaes nel so personaxe llamáu «Corum» (que'l so nome completu ye Corum Jhaelen Irsei) formen dos trilogía: La Triloxía de les Espaes y Les Cróniques de Corum Jhaelen Irsei:
La primera trata del estermín de la familia y de la raza de Corum y la so vengación contra los señores de los Mundos Altos. Más concretamente la tema del estermín de la raza a la que pertenez Corum ye del estermín de dos races antigües; la de Corum, los Vadhagh y la de les sos ancestrales enemigos, los Nadragh, colos que fai cientos d'años que nun se fai la guerra, tres una paz a la que se llega por "empate téunicu" tres sieglos de llucha ya inclusive tres l'olvidu del motivu de la guerra.
Triloxía de les espaes: El caballeru de les espaes La reina de les espaes El rei de les espaes
La segunda triloxía trata de la vida de Corum tres les sos aventures contra los señores de los Altos Mundos y el ralu de vida que pasa casáu cola Margravina Rhalina, la Mabden.
Corum Jhaelen Irsei El toru y la llanza El carbayu y el carneru La espada y el corcel
Erekosë
El campeón eternu Fénix d'obsidiana El Dragón na Espada
Dorian Hawkmoon
Los primeros llibros narren la llucha de Dorian Hawkmoon y el Conde Brass de La Camarga contra l'Imperiu de Granbretan. En munchos capítulos entevense les idees, yá bien madurecíes, del autor respeuto al multiverso y les idees d'ésti sobre política y anarquía.
El cayáu rúnicu: La xoya na frente El amuleto del dios Llocu La espada del amanecer El cayáu rúnicu
La siguiente triloxía narra les aventures de Dorian Hawkmoon tres la llucha contra l'Imperiu de Granbretan. D'una manera más sutil, Moorcock enfusar entá más na so idea de la cosmoloxía de la so lliteratura. Si asimilemos un mínimu del mensaxe de los anteriores llibros de Dorian Hawkmoon, nenguna de les idees del autor van pasar desapercibíes.
Cróniques del castiellu de Brass: El Conde Brass El campeón de Garathorm En busca de Tanelorn
Jerry Cornelius
Les cróniques de Cornelius: El programa final (The Final Programme ) Una cura pal cáncer (A Cure for Cancer) L'asesín inglés La condición de Muzak
Familia Von Bek
El Perru de la Guerra y el Dolor del Mundu The Brothel in Rosenstrasse The Pleasure Garden of Felipe Sagittarius
Otros
He equí l'home; 1966 (Behold the Man) Gloriana El llibru de los mártires (Antoloxía de rellatos) La nave de los xelos
Premios
1967, Premiu Nébula pol rellatu He equí l'home 1972, Premiu August Derleth por El caballeru de les espaes 1973, Premiu August Derleth por El rei de les espaes 1975, Premiu August Derleth por The Sword and the Stallion 1976, Premiu British Fantasy por The Hollow Lands 1977, Premiu British Fantasy Guardian Fiction por La condición de Muzak 1978, Premiu World Fantasy y John W. Campbell Memorial por Gloriana 2008, Damon Knight SFWA Grand Master pa Michael Moorcock 2008, Premiu Haxtur, España-Xixón a la ""Meyor Hestoria Llarga" xunto con Walter Simonson pola obra "ELRIC" , nel Salón Internacional del Cómic del Principáu d'Asturies. Tamién foi Nomáu al "Meyor Guión" pola mesma obra.
Rellacionaos
Xuegos de rol
Stormbringer (xuegu d'Estaos Xuníos publicáu per primer vegada en 1981) Elric! (xuegu d'Estaos Xuníos publicáu en 1993. Esti xuegu de rol nun foi más qu'una de les ediciones de Stormbringer
La quinta edición de Stormbringer, dempués de la edición Elric! de 1993, n'Estaos Xuníos volvió titulase Stormbringer, como nos cuatro ediciones anteriores a 1993.
Tebeos
N'España, TEBEOS S.A. llanzó les siguientes adautaciones de delles obres de Michael Moorcock:
Les cróniques de Corum de 16 númberos, darréu en presentación retapada en 4 volúmenes. Elric: El marín de los mares del destín de 13 númberos, darréu en presentación retapada en 3 volúmenes. Hawkmoon, Xoya na frente de 16 númberos, darréu en presentación retapada en 4 volúmenes.
Pela so parte Planeta DeAgostini publicó Elric: la forxa d'un bruxu, una protosecuela en cómic de Elric de Melniboné, la primer novela del ciclu de Elric, con guión del propiu Moorcock y dibuxos de Walter Simonson. Planeta tamién publicó "Elric: Portadora de nubes" en grapa una primer vegada y, darréu, en tomu en 2010. Darréu, tamién editó en formatu rústica los tomos 1 y 2 de "Elric; l'equilibriu perdíu".
La editorial DESIERTU COMICS, empecipió la publicación de noveles gráfiques basaes en Elric. Hasta'l momentu, fueron editaes en 2013 "Elric 01: el tronu de rubí" y en 2014 "Elric 01: Tormentosa". Tamién esta editorial empecipió la publicación en 2015 y en tapa dura, "La biblioteca Michael Moorcock" que va constar de 4 volúmenes qu'entienden la reedición de los materiales publicaos por Pacific Comics y First Comics: "Elric of Melnibone", "Sailor on the seas of fate", "Weird of the white wolf" y "The vanishing tower"
Películes El programa final
Referencies
Enllaces esternos
Categoría:Autores ganadores del premiu Nébula Categoría:Escritores d'Inglaterra Categoría:Escritores de ciencia ficción del Reinu Xuníu Categoría:Escritores de lliteratura fantástica d'Inglaterra Categoría:Escritores n'inglés Categoría:Anarquistes d'Inglaterra