Vladímir (en rusu: Владимир), capital del óblast de Vladímir, nel oeste de Rusia, xunto al ríu Kliazma. Tien una población, 331.700 habitantes (censu del 2001). Coordenaes: 56,14° Norte, 40,40° Oeste. Forma parte del llugar patrimoniu de la Humanidá «Monumentos Blancos de Vladímir y Súzdal». thumb|left|Vladímir (Владимир) nun mapa del ríu Oká thumb|left|Catedral de l'Asunción, Vladímir Asitiáu nuna rexón agrícola, Vladímir ye un nuedu ferroviariu, que les sos industries más importantes son la de texíos, fruta enlatada, productos químicos, preseos de precisión y pieces de vehículos. Los edificios históricos de la ciudá son la Catedral Uspenski (de Dormición) (1158-1161), la catedral de San Demetrio (1194-1197), la Puerta Dorada (1164), una antigua puerta de la ciudá y dellos monesterios antiguos. La ciudá ye sede d'un muséu d'historia y antigüedaes relixoses, una galería d'arte y una escuela de formación de maestros. Vladímir, fundada en 1108, foi la capital del Principáu de Vladímir-Súzdal (un importante estáu rusu creáu dempués de la disolución de la Rus de Kiev) ente 1157 y 1238, añu en que los tártaros destruyeron la ciudá. El Principáu de Moscú (Moscovia) amestóse Vladímir en 1364. La ciudá desenvolvióse como un importante centru industrial na década de 1930.
Muséu d'Historia Rexonal de Vladímir Contién reproducciones de les ornamentaciones de les dos catedrales de la ciudá. L'edificiu de lladriyos coloraos foi construyíu en 1902.Lonely Planet (n'inglés)
Ciudadanos pernomaos Konstantín Balmont, poeta rusu * Aleksandr Griboyédov, dramaturgu, diplomáticu y poeta rusu * Aleksandr Herzen, publicista, filósofu materialista, ideólogu de la revolución llabradora * Iván Shmeliov, escritor rusu === Nacíos en Vladimir === Valentín Afonin (1939), futbolista * Nikolái Andriánov (1952-2011), atleta soviéticu, ximnasta * Alekséi Batálov (1928-2017), actor rusu * Mijaíl Lázarev (1788-1851), oficial naval rusu, esplorador antárticu * Yuri Lodyguin (1990), futbolista greco-rusu * Aleksandr Stolétov (1839-1896), físicu * Serguéi Tanéyev (1856-1916), compositor, pianista, teóricu musical
Ciudaes hermaniaes Canterbury, Inglaterra, Reinu Xuníu Erlangen, Alemaña Bloomington-Normal, Illinois, Estaos Xuníos. Sarasota, Florida, Estaos Xuníos Marion, Indiana, Estaos Xuníos Saintes, Francia Ústí nad Labem, República Checa
Ver tamién Monumentos Blancos de Vladímir y Suzdal
Referencies
Enllaces esternos
ГОРОД ВЛАДИМИР ВЛАДИМИРСКАЯ ОБЛАСТЬ ГТРК «Владимир» Туризм и отдых во Владимире
El foru de Vladímir de mozos.
Categoría:Llocalidaes de Rusia Categoría:Vladímir