Anderlecht ye unu de los diecinueve conceyos de la Rexón de Bruxeles-Capital. Tien una estensión de 17,74 quilómetros cuadraos y una población de 96 000 habitantes.
Llinda, amás de cola ciudá de Bruxeles, con Dilbeek, Forest, Molenbeek-Saint-Jean, Sint-Pieters-Leeuw y Saint-Gilles.
Ye conocíu principalmente polos sos equipos deportivos, como'l Royal Sporting Club Anderlecht, de fútbol, y el Royal Sporting Club Anderlechtois, de rugbi, que son de los más prestixosos de Bélxica.
Historia thumb|left|Colexata de los Santos Pedro y Guido|220px thumb|left|Ciudá de Moortebeek|220px
Hai evidencies que'l conceyu foi habitáu yá na edá de piedra, anque'l nome de la villa nun va apaecer per primer vegada hasta 1047. Entós, cuatro villes ocupaben el territoriu actual: Anderlecht, Cureghem, Aa y Neerpede.
Mientres la Baxa Edá Media construyóse la colexata gótica Saints-Pierre-et-Guidon, llevantada sobre una cripta romana. En 1521 pasó ellí dellos meses l'humanista Erasmu de Rotterdam, agospiáu por unos monxos de la llocalidá.
En 1791, Charles François Dumouriez lluchó ellí escontra los austriacos. Mientres el sieglu XIX adquirió importancia gracies a la espansión urbana ya industrial de Bruxeles (barriu obreru de La Roue), y dempués de la Segunda Guerra Mundial aumentó drásticamente la so población. Cuando se decidió la rexonalización de Bélxica en 1981, pasó a formar parte de la Rexón de Bruxeles-Capital.
Llugares d'interés thumb|left|La ciudá-xardín de Bon air|220px
El Muséu de China, qu'axunta numberosos documentos y oxetos que la congregación de Scheut traxo de la so aición en China, como un Buda en bronce que data del sieglu XV y numberoses semeyes de misioneros. Esti muséu afitóse nel actual conventu y describe los aspeutos de la vida cultural y artístico de l'antigua China. El Musée bruxellois de la gueuze (Muséu bruselense de la cerveza), instaláu na última cervecería artesanal de Bruxeles (creada en 1900) inda n'actividá: la cervecería Cantillon. Estatua de Jean-Claude Van Damme inaugurada'l 21 d'ochobre de 2012, la escultura de 1.74 metros que pesa una tonelada y media foi fecha por Guy Ducheyne y representa al artista marcial belga más importante de tolos tiempos nel momentu más altu de la so carrera.
Deportes El conceyu ye famosu pol so equipu de fútbol, el RSC Anderlecht, que ganó 28 vegaes el campeonatu de lliga de Bélxica. Ye'l meyor equipu belga nes competiciones europees y tamién na Primer división belga.
Personalidaes
Maurice Carême, poeta fináu n'Anderlecht. Albert Huybrechts, músicu fináu n'Anderlecht. Ivan Paduart, músicu de jazz, nacíu nn'Anderlecht en 1967. Régine, cantante nacida n'Anderlecht en 1929, conocida pol cantar la Grande Zoa. Philippe Thys, nacíu na villa en 1890, primer ciclista belga que ganó 3 vegaes el Tour de Francia. Guido d'Anderlecht, llamáu "Le pauvre de Anderlecht" (el probe d' Anderlecht), santu que la so fiesta celébrase'l 12 de setiembre. Ye patrón de la Colexata de los Santos Pedro y Guido d'Anderlecht. Guy Vandevoorde, ilustrador. Hippolyte De Kempeneer, nacíu n'Anderlecht en 1876 y fináu en 1944, productor y realizador, una de les grandes figures de los primeros tiempos del cine belga.
Ciudaes hermaniaes
dende 1955: Boulogne-Billancourt, Francia Neukölln, Alemaña Hammersmith, Reinu Xuníu Fulham, Reinu Xuníu Zaandam, Países Baxos
dende 1976: Marín, Italia
Pactu d'amistá dende 2000: Sainte-Maxime, Francia Referencies
Enllaces esternos
Web oficial de Anderlecht (en francés y neerlandés)
Categoría:Llocalidaes de Bélxica