Domhnall Gleeson ye un actor, direutor y escritor irlandés. Actuó tanto en cine como en teatru, ganando una nominación nos Premios Tony de 2006 pola so participación na producción de Broadway The Lieutenant of Inishmore. Actuó delles vegaes nel Gate Theatre de Dublín, incluyendo les adautaciones de American Buffalo y Great Expectations.
Amás de los sos trabayos nel cine, Gleeson apaeció en series de televisión como The Last Furlong, Black Mirror, el show de comedia Your Bad Self y nes películes Six Shooter, Studs, Boy Eats Girl y Ex Machina. Personifica al despiadáu Xeneral Hux en Star Wars: Episode VII - The Force Awakens y Star Wars: Episode VIII - The Last Jedi, y a Bill Weasley nes películes Harry Potter and the Deathly Hallows - Part 1 y Parte 2, estrenaes en 2010 y 2011, respeutivamente. Ye fíu del actor Brendan Gleeson, quien dio vida a Alastor Moody nos filmes d'Harry Potter.
Biografía Gleeson nació en Dublín, Irlanda, siendo'l fíu mayor del actor Brendan Gleeson y de la so muyer, Mary. Tien tres hermanos menores, Fergus, Brian Gleeson, quien tamién ye actor, y Rory.
Gleeson graduóse como Llicenciáu n'Artes Visuales del Dublin Institute of Technology.
Carrera Dempués de graduáu, Gleeson empezó a dirixir y escribir pal cine y el teatru. En 2006, Gleeson protagonizó col so padre'l filme Studs.
Gleeson tamién protagonizó'l curtiumetraxe ganador d'un Academy Award Six Shooter y Boy Eats Girl, según la serie de televisión de RTÉ The Last Furlong. A los 23 años, protagonizó la obra dramática de Broadway The Lieutenant of Inishmore, recibiendo una nominación nos Tony Award pol so rol.
A finales de 2007, Gleeson personificó a Herbert Pocket na adautación de Hugh Leonard de la novela de Charles Dickens Grandes esperances nel Gate Theatre en Dublín. A principios d'esi mesmu añu, llogró'l papel de Bobby na obra American Buffalo de David Mamet, tamién nel Gate Theatre.
En 2008, Gleeson protagonizó un actu del show de comedia de RTÉ Your Bad Self, que foi emitíu'l 26 d'avientu d'esi añu. Otres apaiciones en 2008 fueron en A Dog Year y Paddyville.
En marzu de 2009, confirmóse que fuera escoyíu pa formar parte del repartu de la película Harry Potter and the Deathly Hallows, personificando a Bill Weasley. El so padre, Brendan, personifica a Alastor Moody na serie. Nun principiu, Gleeson fuera ronciegu a tar al pie del so padre nuna mesma película pero más tarde camudó de paecer.
Na película de 2009 Sensations, Gleeson interpreta a un mozu granxeru pa quien un "alcuentru" con una prostituta tresformar en "una hestoria d'amor agriduz".
En 2010 tuvo'l so gran añu actuando en Harry Potter and the Deathly Hallows., protagonizandi xunto a Keira Knightley, Andrew Garfield y Carey Mulligan la película Never Let Me Go, y con Jeff Bridges y Matt Damon la nomada a un Academy Award True Grit de los hermanos Coen.
Gleeson ganó un premiu Ifta en 2011 como Meyor Actor pola so interpretación de Bob Geldof na aclamada película biográfica When Harvey Met Bob.
Dohmnall personificó a Konstantin Levin na adautación de la novela clásica de Lev Tolstói Anna Karenina, dirixida por Joe Wright. Tamién protagonizó la cinta About Time, una comedia romántica escrita y dirixida por Richard Curtis. La hestoria sigue a un mozu, interpretáu por Gleeson, a quién a la edá debida ye-y concedida l'habilidá de tolos homes de la so familia, de viaxar nel tiempu, y conoz a "la moza de los sos suaños", interpretada por Rachel McAdams. El rodaxe foi en Londres, Inglaterra, en xunu de 2012. Protagonizó tamién Frank, drama-comedia británica de 2013, cola participación especial de Michael Fassbender como'l personaxe del títulu, y el filme futurista de ciencia-ficción y drama Ex Machina, con Oscar Isaac; dambos con bona acoyida de la crítica y el públicu. En 2013, participó nun capítulu de la serie británica Black Mirror y, en 2014, tuvo un papel secundariu en Unbroken (película), el primer llargumetraxe empobináu por Angelina Jolie. Coles mesmes, Gleeson ingresó a la saga Star Wars na primera de la nueva triloxía: Episodiu VII "The Force Awakens", estrenada n'avientu de 2015.
Filmografía +Cine y televisión AñuTítuluRol Notes2001Rebel HeartByrneEpisodiu #1.12004Six ShooterCashierCurtiumetraxe2005StarsBrian (voz)Curtiumetraxe2005Boy Eats GirlBernard2005The Last FurlongSean FlanaganSerie de TV, 3 episodios2006StudsTrampis2009A Dog YearAnthony Armstrong2009Perrier's BountyClifford2009CorduroyCurtiumetraxe2010Your Bad SelfDelles Serie de TVTamién guionista2010Never Let Me GoRodney2010SensationDonal2010When Harvey Met BobBob GeldofPelícula de TV2010True GritMoon 2010Harry Potter and the Deathly Hallows: Parte 1Bill Weasley2011Harry Potter and the Deathly Hallows: Parte 2Bill Weasley2012Shadow DancerConnor 2012DreddTravis Snydershttps://web.archive.org/web/20120306234923/http://www.havc.hr/userfiles/file/press/shooting_stars/Convide_Press_Conference_Shooting_Stars.pdf2012Anna KareninaKonstantin Levinhttp://enchantedserenityperiodfilms.blogspot.com/2011/06/casting-news-for-anna-karenina-2012.html2012Immaturity for Charity Delles Película de TV2013Black MirrorAsh Episodiu: Be Right Back2013About TimeTim Lake2013FrankJon2013CalvaryFreddie Joyce2014UnbrokenRussell Allen 'Phil' Phillips2015Ex MachinaCaleb2015BrooklynJim Farrell2015Star Wars: Episode VII - The Force AwakensXeneral Hux2015The RevenantAndrew Henry2017Star Wars: Episode VIII - The Last JediXeneral Hux
Premios Añu Premiu Categoría Resultáu Títulu de la obra 2006 Tony Award Meyor actor nuna obra de teatru Nomáu The Lieutenant of Inishmore 2011 IFTATV - Meyor Actor nun Rol Principal Ganador When Harvey Met Bob 2013 IFTAMeyor Actor de Repartu Ganador Anna Karenina 2015 Premios del Cine Independiente BritánicuMeyor Actor de Repartu Nomáu Brooklyn
Referencies
Enllaces esternos
Blogue de Domhnall Gleeson
Categoría:Actores y actrices de cine d'Irlanda Categoría:Actores y actrices de teatru d'Irlanda Categoría:Escritores d'Irlanda Categoría:Persones de Dublín