thumb|200px|Repúbliques báltiques.
Les Repúbliques báltiques yeren les tres repúbliques soviétiques d'Estonia, Letonia y Lituania nel periodu nel que pertenecieron a la Xunión Soviética. Ocupaben la rexón soviética del Mar Bálticu o Conca del Bálticu, que comprendía los territorios llinderos con esi mar pertenecientes a esi estáu anguañu desapaecíu. Los trés países foron soberanos ente 1918 y 1940. Esi añu foron conquistaos pola Xunión Soviética, y pertenecieron a ella, sacante'l periodu d'ocupación alemana (1941-45), hasta 1991, cuando algamaron la independencia al traviés de la conocida como Revolución Cantada. Nos años nos que foron soviétiques nomábanse República Socialista Soviética (RSS) d'Estonia, RSS de Letonia y RSS de Lituania, y recibíen el nome conxuntu de "Pribáltika" (territorios bálticos, en rusu), magar que la so población prefería'l términu "Báltiya". Anguaño ye vezu referise a ellos como países bálticos.
La mayoría de los países occidentales consideraron que la incorporación de Lituania, Letonia y Estonia a la URSS fuera illegal, y formalmente nun les consideraben parte de la Xunión Soviética. Esta interpretación llegal caltiense na actualidá, y ye compartida polos gobiernos actuales y la mayor parte de la población de los trés países. Nellos asentáronse, como resultáu d'una política de rusificación del territoriu desendolcada pol gobiernu soviéticu, munchos rusos y xentes d'otres etnies de la Xunión. De resultes, anguaño una cuarta parte de los habitantes d'Estonia son rusofalantes. Y en Letonia los rusos son aproximadamente un terciu de la población, y na so capital, Riga, los rusofalantes superen en númberu a los letones.
Acordies coles lleis soviétiques, les llingües llocales (estoniu, letón y lituanu) teníen un estatus de llingua oficial nos sos respectivos territorios y usábense n'alministración llocal de forma simultánea col rusu, l'idioma oficial del país a nivel federal. Sicasí, como la población qu'aportaba al territoriu falaba rusu (fora étnicamente rusa o non) y nun tenía interés nin provechu d'apriender les llingües llocales, esti idioma foi convirtiéndose nel de conocimientu obligatoriu pa tola población pa poder desenvolvese na vida cotidiana. La política cultural soviética, que sofitaba'l multiculturalismu, permitió a los habitantes de los trés países conservar les sos identidaes culturales, d'orientación europea. Tres de recuperar la independencia la so fuerte identidá nacional, xunto col fechu de que tuvieran sío independientes nel periodu d'enteguerres, facilitó la so transición al estatus de países soberanos con un réxime políticu constitucional lliberal.
Divisiones alministratives miniaturadeimagen|Bandera de la República Socialista Soviética de Lituania (1953-1988).
RSS de Lituania
Lituania convirtiose en república soviética n'agostu de 1940, demientres la Segunda Guerra Mundial. Magar que foi ocupada polos alemanes, los soviéticos reconquistáronla en 1944. Magar que namái representó'l 0,3% del territoriu soviéticu y el 1,3% de la so población, foi un importante centru agrícola ya industrial de la Xunión. miniaturadeimagen|Bandera de la República Socialista Soviética de Letonia (1953-1990).
RSS de Letonia
Lituania convirtiose en república soviética n'agostu de 1940, demientres la Segunda Guerra Mundial. Magar que foi ocupada polos alemanes, los soviéticos reconquistáronla en 1944. La mayor parte del so territoriu ye una llanada de morrena, con un altor másimu de 311 msnm nel centru de la república. El so clima ye de transición de marítimu a continental, con unes temperatures medies de –2 a –7ºC en xineru y de 16 a 18ºC n'agostu y una precipitación añal de 500-800 mm. Cruciada por ríos de cierta importancia (Daugava, Lielupe, Venta o Gauja), tien tamién más de 3.000 llagos de más d'una hectárea d'estensión qu'ocupen el 1,5% del so territoriu; los mayores son el Lubāns, el Raznas y el BurtnieksThe Baltic States: Estonia, Latvia and Lithuania. Postcommunist States and Nations. Routledge. 2002. ISBN 978-0-415-28580-3.. La renta per cápita de la RSS de Letonia yera muncho mayor que la media del conxuntu de la Xunión: un 42% superior a la media federal en 1968Misiunas, Romuald J., y Taagepera, Rein. The Baltic States: years of dependence, 1940 - 1990 (Expanded and updated edition). Univ. of California Press, 1993. ISBN 978-0-520-08228-1. . miniaturadeimagen|Bandera de la República Socialista Soviética d'Estonia (1953-1990).
RSS d'Estonia
Lituania convirtiose en república soviética n'agostu de 1940, demientres la Segunda Guerra Mundial. Magar que foi ocupada polos alemanes, los soviéticos reconquistáronla en 1944. En cuantes que finó la guerra l'estalinismu entamó, al traviés de los sos proyectos de ayuda fraternal, un ampliu programa d'instalación de población foriata nel territoriu. Cientos de miles de persones de fala rusa foron instalaos n'Estonia, principalmente nas ciudaes. En xineru de 1945 el ríu Narva foi establecíu como frontera ente esta república y la de Rusia (RSFS de Rusia) y, de resultes, l'alministración d'Ivangorod foi tresferida de Narva al Oblast de Leningráu, y recibió'l títulu de ciudá en 1954. Tamién en 1945 el condáu de Petseri foi cedíu a la RSFS de Rusia, convirtiéndose asina n'ún de los distritos del Óblast de Pskov. La economía estonia foi de les más potentes de la Xunión Soviética porque'l poder central, amás de repoblar el territoriu, inyectó-y cantidaes importantes de capital pa esplotar los recursos del territoriu (lutita bituminosa, madera y, dempués, uraniu) dentro de los sos programes de reconstrucción de la posguerraValge raamat, page 130; The White Book: Losses inflicted on the Estonian nation by occupation regimes, pp. 146–147.. La renta per cápita estonia era la mayor de cualisquiera de les repúbliques de la Xunión: yera un 44% mayor de la media federal en 1968).
Ver tamién
Estonia Letonia Lituania Revolución Cantada
Referencies Categoría:Estonia Categoría:Letonia Categoría:Lituania