miniaturadeimagen|Vista nocherniega de la entrada principal. thumb|Estatua de Alexander von Humboldt, fuera de la universidá. thumb|250px|La universidá Humboldt de Berlín. La Universidá de Humboldt de Berlín (n'alemán, Humboldt-Universität zu Berlin) ye la más antigua d'esta ciudá alemana. Sirvió como modelu pa otres universidaes europees y d'otros países occidentales.
Historia
Foi fundada pol lliberal prusianu Wilhelm von Humboldt en 1810 col nome de «Universidá de Berlín» (Universität zu Berlin). Simultáneamente fundóse tamién un muséu de historia natural que de primeres tuvo allugáu nel mesmu edificiu que la universidá: el Muséu d'Historia Natural de Berlín. En 1889 construyóse un edificiu separáu pa esti muséu d'historia natural. Más tarde, a finales del sieglu XX, el muséu d'historia natural desvenceyóse definitivamente de la universidá.
En 1828 la universidá recibió'l nome de Universidá Friedrich-Wilhelm (Friedrich-Wilhelms-Universität) y más tarde foi conocida como "Universität unter den Linden". A lo último, en 1949 camudóse'l so nome a "Humboldt-Universität zu Berlin" (Universidá Humboldt de Berlín) n'honor al so fundador.
Por esta universidá pasaron munchos de los grandes intelectuales y científicos alemanes de los dos últimos sieglos. Ente ellos destáquense:
El filósofu idealista Johann Gottlieb Fichte. El teólogu Friedrich Schleiermacher. El filósofu idealista Georg Wilhelm Friedrich Hegel. El filósofu pesimista Arthur Schopenhauer. El filósofu y teólogu Romano Guardini El filósofu y fundador del marxismu Karl Marx. El físicu y premiu Nobel Albert Einstein. El poeta Heinrich Heine. El fundador del Partíu Socialdemócrata d'Alemaña Karl Liebknecht. El gran ciruxanu Johann Friedrich Dieffenbach. El patólogu y antropólogu Max Westenhofer. El físicu y matemáticu y premiu Nobel Max Planck.
En total, la Universidá de Humboldt ye la casa de 29 ganadores d'un premiu Nobel.
N'años adelantróse en Berlín un discutiniu sobre la creación d'una súper universidá na que s'hai comtemplado la posible fusión de los trés mayores universidaes de Berlín (Freie Universität, Technische Universität y Humboldt).
La estructura d'esta universidá alemana, enfocada a la enseñanza y la investigación, sirvió de modelu mientres el sieglu XIX a instituciones como la Universidá Johns Hopkins (primer dedicada a la investigación n'Estaos Xuníos) y otres munches como Universidá Harvard, Duke o la Universidá Cornell.
Profesores famosos actuales Anneliese Abramowski, xermanística Jörg Baberowski, historia d'Europa del Este Christine Bauhardt, política, xéneru y globalización Wolfgang Ernst, medios Hans Föllmer, matemática Peter Frensch, psicoloxía Norbert Fries, llingüística y sintaxis Konrad Hagedorn, agricultura Michael Kloepfer, derechu públicu Claus Offe (em.), ciencia política Bernhard Schlink, derechu públicu Christian Tomuschat (em.), derechu Joseph Vogl, lliteratura alemana moderna Heinrich August Winkler, historia moderna Eugene Goldstein, físicu
Referencies
Ver tamién Rectores de la Universidá Humboldt de Berlín
Enllaces esternos
Muséu de Ciencies Naturales de Berlín (Museum für Naturkunde), perteneciente a la Universidá. (n'inglés)
Categoría:Berlín