El Bancu Européu pa la Reconstrucción y el Desarrollu (BERD) (European Bank for Reconstruction and Development n'inglés) ye una institución financiera fundada en xineru de 1990 coles mires de favorecer la transición a una economía de mercáu y promover la iniciativa privada nos países ex-comunistes d'Europa Oriental.
Foi inauguráu n'abril de 1991 en Londres, onde s'atopa la so sede. La ceremonia d'inauguración cuntó cola asistencia de 41 representantes de gobiernos correspondientes a los miembros que formaben parte primero d'esta institución: Australia, Canadá, Corea del Sur, Exiptu, los estaos de la Xunión Europea, Estaos Xuníos, Israel, Xapón, Marruecos, Méxicu y Nueva Zelanda.
Participen tamién el Bancu Européu d'Inversiones y la Comisión Europea, dambos en representación de la Xunión Europea.
El bancu apurre financiamientu a bancos, empreses y alministraciones públiques. Tamién collabora con empreses públiques pa sofitar la so privatización y reestructuración. Acordies colos estatutos del bancu, ésti namái collabora con países democráticos; amás, tien de promocionar el desarrollu sostenible.
Los sos presidentes fueron: Abril de 1991 - xunu de 1993: Jacques Attali (francés) Setiembre de 1993 - xineru de 1998: Jacques de Larosière (francés) Setiembre de 1998 - abril de 2000: Horst Köhler (alemán) Julio de 2000 - xunetu de 2008: Jean Lemierre (francés) Julio de 2008 - 2012: Thomas Mirow (alemán) Suma Chakrabarti (2012 - presente)
Referencies
Enllaces esternos Sitiu web oficial (n'inglés)
Européu pa la Reconstrucción y el Desarrollu Categoría:Economía de la Xunión Europea