El Conseyu d'Ayuda Mutua Económica (en rusu: Совет экономической взаимопомощи, Sovet ekonomícheskoy vsaymopómoshchi, СЭВ, SEV; abreviación n'inglés COMECON, CMEA y n'español CAME o CAEM) foi una organización de cooperación económica formada alredor de la URSS por diversos países socialistes que los sos oxetivos yeren el fomentu de les rellaciones comerciales ente los estaos miembros, nun intentu de compensar a los organismos económicos internacionales d'economía capitalista, según presentar una alternativa al denomináu Plan Marshall desenvueltu polos Estaos Xuníos pa la reorganización de la economía europea tres la Segunda Guerra Mundial, y equivalente tamién a la Comunidá Económica Europea, anque nun ámbitu xeográficu mayor. L'equivalente militar del COMECON yera'l Pactu de Varsovia, anque la variedá de los miembros del COMECON yera significativamente más amplia, yá que tomaba non solo al Este d'Europa, sinón tamién a otros países como Cuba y Nicaragua n'América Llatina, Angola, Mozambique y Etiopía n'África, Yeme del Sur, Iraq, Afganistán, Mongolia, Laos y Vietnam n'Asia.
Por impulsu soviéticu, los miembros del CAME estremaron el trabayu ente los distintos países, creando zones productores de materies primes, siderurxa, industria petroquímica, etc.
La so fase de mayor espansión internacional coincidió colos años 1970, cuando controlaba'l 10% del tráficu mundial de mercancíes. El 28 de xunu de 1991, cuando s'eslleió, apenes representaba'l 6%.
Magar ser Estaos abiertamente capitalistes, países como Finlandia y Méxicu tamién fueron miembros observadores nel CAME.
Membresía
Estaos miembros thumb|300px|Mapa de los Estaos miembros del COMECON en payares de 1986. thumb|Xunta del Conseyu d'Ayuda Mutua Económica, 1978. Xineru de 1949: Bulgaria Checoslovaquia Hungría Polonia Rumanía Xunión Soviética
Febreru de 1949: Albania (a pesar de que nun arrenunció formalmente como miembru hasta 1987, dexó de participar nes actividaes del Comecon en 1961) 1950: Alemaña Oriental
1962: Mongolia
1972: Cuba
1978: Vietnam
Estaos acomuñaos 1964: Yugoslavia
Estaos observadores 1950: China (dexó de participar nes actividaes del Comecon en 1961)
1956: Corea del Norte
1973: Finlandia
1975: Iraq Méxicu
1976: Angola
1984: Nicaragua
1985: Mozambique
1986: Afganistán Etiopía Laos Yeme del Sur
Ver tamién Pactu de Varsovia
Referencies
Enllaces esternos
Categoría:Organismos económicos internacionales Categoría:Economía de la Xunión Soviética Categoría:Economía de la República Democrática Alemana Categoría:República Popular d'Hungría Categoría:Historia de Bulgaria Categoría:República Popular de Polonia Categoría:Bloque del Este Categoría:Historia de Checoslovaquia Categoría:República Socialista de Rumanía Categoría:Guerra Fría Categoría:Organizaciones fundaes en 1949 Categoría:Organizaciones sumíes en 1991