El 27 d'avientu ye'l 361ᵘ (trescentenu sesentenu primer) día del añu (362ᵘ nos años bisiestos) nel calendariu gregorianu. Queden, poro, 4 díes pa qu'acabe l'añu.
Fechos 537 - Fina la construcción de la basílica de Santa Sofía, en Constantinopla (actual Estambul). 1512 - La Corona española promulga les Lleis de Burgos, que llexislen sobro cuál tien de ser el comportamientu de los colonos nes nueves tierres americanes colos nativos amerindios. 1703 - Portugal ya Inglaterra roblen el tratáu de Methuen, que da preferencia al vinu portugués nes importaciones ingleses. 1763 - Róblase'l tratáu de París, pol que los británicos devuelven Manila a España. 1831 - Charles Darwin embárcase nel so viaxe a América del Sur a bordu del HMS Beagle, nel que ha entamar a formular la so teoría de la evolución. 1836 - El gobiernu d'España reconoz la independencia de Méxicu. 1845 - Úsase per primer vegada l'éter como anestésicu demientres un partu. Fízolo'l doctor Crawford Long na ciudá d'Estaos Xuníos de Jefferson (Georgia). 1870 - El xeneral Juan Prim ye víctima d'un atentáu en Madrid. Morrería tres díes dempués. 1897 - Estrénase, nel teatru de la Porte-Saint-Martin (París), la obra Cyrano de Bergerac, del poeta y dramaturgu Edmond Rostand. 1911 - Cántase, per primer vegada, l'actual himnu nacional indiu, Jana Gana Mana, nuna sesión del Congresu Nacional Indiu en Calcuta. 1922 - Fina la construcción del portaviones xaponés Hōshō, el primer barcu de guerra espresamente construyíu p'agospiar, tresportar y ser pista de despegue d'aviones. 1932 - Abre les sos puertes, en Nueva York, la sala d'espectáculos Radio City Music Hall. 1934 - Persia camuda'l so nome oficial pol d'Irán. 1935 - Regina Jonas ye ordenada como la primer muyer rabín na historia del xudaísmu. 1936 - Guerra civil española. L'aviación franquista bombardia Santander, causando 70 muertos y 50 firíos ente la población civil. Como represalia son executaos 156 presos del barcu-prisión Alfonso Pérez. 1945 - Créase'l Fondu Monetariu Internacional. 29 países roblaron el decretu de la so fundación. 1947 - Espublízase, en Roma, la primer constitución italiana. 1968 - Torna a la Tierra l'Apollo 8 dempués de xirar diez vegaes alrodiu la Lluna. 1968 - Más de 5.000 mineros asturianos en fuelga, pese a ser illegal. 1979 - Tropes de la Xunión Soviética invaden Afganistán. 1985 - Barcelona solicita oficialmente la organización de los Xuegos Olímpicos. 1989 - El Tribunal Eleutoral de Panamá proclama presidente del país a Guillermo Endara. 2002 - Dos camiones bomba maten a 72 persones y dexen firíes a otres 200 al españar na sede del gobiernu chechenu prorrusu en Grozni. 2006 - Llánzase, dende'l cosmódromu de Baikonur, la misión espacial europea Corot, de busca de planetes estrasolares. 2007 - Muerre la opositora y antigua primer ministra paquistanina Benazir Bhutto nun atentáu terrorista.
Nacencies 1350 - Xuan I, rei d'Aragón (m. 1395). 1571 - Johannes Kepler, matemáticu, astrónomu y astrólogu alemán (m. 1630). 1776 – Nikolay Kamensky, xeneral rusu (m. 1811). 1806 - Ramón Cabrera, militar carlista español (m. 1877). 1822 – Louis Pasteur, químicu y microbiólogu francés (m. 1895). 1858 – Juan Luis Sanfuentes, políticu y abogáu chilenu, decimoséptimu presidente del país (m. 1930). 1900 - Juan de Orduña, actor y direutor de cine español (m. 1974). 1901 – Marlene Dietrich, actriz y cantante d'Estaos Xuníos nacida n'Alemaña (m. 1992). 1907 - Sebastian Haffner, periodista y escritor alemán (m. 1999). 1916 - Alfonso del Real, actor español (m. 1916). 1919 – Charles Sweeney, piloto y dempués xeneral d'Estaos Xuníos, que pilotó l'avión que llanzó la segunda bomba atómica de la historia sobro la ciudá de Nagasaki el 9 d'agostu de 1945 (d. 2004). 1925 – Michel Piccoli, cantante, actor, productor y direutor de cine francés. 1939 – John Amos, actor d'Estaos Xuníos. 1943 – Joan Manuel Serrat, cantante español. 1948 – Gérard Depardieu, actor francorrusu. 1950 – Roberto Bettega, futbolista y entrenador italianu. 1951 – Ernesto Zedillo, economista y políticu mexicanu, 54ᵘ presidente del país. 1953 - José Ortega Cano, toreru español. 1960 – Maryam d'Abo, actriz inglesa. 1966 – Eva LaRue, modelu y actriz d'Estaos Xuníos. 1968 - Diego el Cigala, cantaor flamencu español. 1981 – Emilie de Ravin, actriz australiana. 1989 - Janelle Redhead, atleta granadina. 1990 - Milos Raonic, tenista canadianu. 1993 - Olivia Cooke, actriz inglesa.
Muertes 1065 - Fernandu I, rei lleonés (n. c.1016). 1603 – Thomas Cartwright, teólogu inglés (n. 1535). 1832 - Karl Christian Friedrich Krause, filósofu alemán (n. 1781). 1894 - Guillermo Estrada y Villaverde, abogáu, profesor universitariu ya políticu asturianu (n. 23 de mayu de 1834). 1915 - Juan Menéndez Pidal, poeta y folclorista español (n. 1858). 1921 - Daniel Zuloaga, pintor y ceramista español (n. 1852). 1923 - Lluís Domènech i Montaner, arquiteutu español (n. 1850). 1923 – Gustave Eiffel, arquiteutu ya inxenieru francés, codiseñador de la Torre Eiffel (n. 1832) 1928 - Nueva (Llanes) : José García Peláez, Pepín de Pría, escritor asturianu (n. 14 d'avientu de 1864). 1950 - Max Beckmann, pintor alemán (n. 27 de febreru de 1884). 1984 - Andrés Solar, escritor del primer Surdimientu, lluchador pola dignificación del asturianu y militante nacionalista. 1998 - Ricardo Tormo, motociclista español (n. 1952). 2002 – George Roy Hill, actor, direutor de cine, productor y guionista d'Estaos Xuníos (n. 1922). 2012 – Norman Schwarzkopf,inxenieru y xeneral d'Estaos Xuníos (n. 1934). 2016 – Carrie Fisher, actriz, guionista, productora y escritora d'Estaos Xuníos (n. 1956).
Referencies
Categoría:Avientu