Guijo de Ávila ye un conceyu y llocalidá española de la provincia de Salamanca, na comunidá autónoma de Castiella y Lleón. Intégrase dientro de la comarca de Guijuelo y la subcomarca del Alto Tormes. Pertenez al partíu xudicial de Béjar.
El so términu municipal ta formáu por un solu nucleu de población, ocupa una superficie total de 13,46 km² y según los datos demográficos recoyíos nel padrón municipal ellaboráu pol INE nel añu , cuenta con una población de habitantes.
Cuenta con una Aula d'Enerxíes Anovables dedicada a la realización d'actividaes d'educación ambiental. Ta fornida y diseñada pa recibir visites y pa desenvolver nella tou tipu d'actividaes educatives sobre les enerxíes anovables. Pa ello cunta col equipamientu propiu d'una aula acompañáu de paneles informativos, xuguetes solares, audiovisuales rellacionaos cola tema, una pequeña base bibliográfica y una estación meteorolóxica propia. Tamién s'habilitó una biblioteca estensa, con dellos ordenadores con accesu a internet.
Historia Na división de 1833 foi incluyida na provincia de Salamanca, dientro de la Rexón Lleonesa. Hasta entós había estáu amestada a Ávila dende el mesmu momentu de la repoblación medieval de la zona a principios del sieglu XII, fechu al que debe'l so apellativu "d'Ávila". Dientro de la Comunidá de Villa y Tierra d'Ávila formó parte del sexmo de Serrezuela. Nesti sentíu, Guijo yera un moyón castellanu frente a Guijuelo, na Salvatierra lleonesa, y a Fuentes de Béjar, na Tierra de Béjar, territoriu esti postreru que s'integró nel Reinu de Lleón al empecipiase'l sieglu XV, quedando Guijo de Ávila como'l territoriu castellanu más occidental, formando una especie de cuña fronteriza arrodiada de tierres lleoneses por trés cuartes partes del so términu. Esta peculiaridá remató nel sieglu XIX al incluyise Guijo nel territoriu salamanquín.
Demografía
Ver tamién Llista de conceyos de Salamanca Comarca de Guijuelo Alto Tormes Bonilla de la Sierra
Bibliografía
Referencies
Enllaces esternos
Índiz de conceyos de la Diputación de Salamanca
Categoría:Conceyos de Salamanca Categoría:Llocalidaes de la provincia de Salamanca