Pa otros usos de Moraleja en Moraleja (dixebra).
Moraleja de Enmedio ye un conceyu del sur de la Comunidá de Madrid (España) de 4984 habitantes (INE 2016).
Términu municipal Tien una estensión de 3087,34 hectárees y una altitú media de 670 metros con un relieve selemente onduláu. Llenda colos conceyos de Móstoles, Fuenlabrada, Humanes de Madrid, Arroyomolinos, Navalcarnero, Batres, Serranillos del Valle y Griñón.
Historia Esistía yá nel sieglu XII, fecha en que se menta la so esistencia nun documentu sobre pleitos territoriales de la ciudá de Segovia. Nésti fala de dos llocalidaes vecines, anguaño despoblaes, llamaes Moraleja La Mayor y Moraleja de Los Buyeros, qu'espliquen l'apellíu 'de Enmedio'. So xurisdicción, primero, de Segovia y dempués de Toledo, en 1757 pasa a pertenecer definitivamente a la provincia de Madrid.
Conocida por ser la llocalidá na que se rodaba la conocida serie española "Aquí no hay quien viva", y tar nella la mayoría de los sos decoraos, dientro del complexu d'estudios propiedá de José Luis Moreno. Dende l'añu 2007, na periferia d'esta llocalidá, asítiense los decoraos y los estudios onde se rueda la serie "La que se avecina".
Educación En Moraleja de Enmedio hai delles guarderíes ya escueles infantiles, 1 colexu públicu d'educación infantil y primaria, y un institutu d'educación secundaria.
Accesos y tresporte A Moraleja de Enmedio puede aportase por
Carreteres M-413: dende Fuenlabrada, Arroyomolinos, y les carreteres y M-407
Tresporte públicu En Moraleja de Enmedio empresten serviciu 4 llinies d'autobús: '''<span style="color:white"> Llinies Interurbanes de Moraleja de Enmedio Llinia Percorríu Madrid Príncipe Pío - Arroyomolinos - Moraleja de Enmedio Fuenlabrada (Hospital) - Moraleja de Enmedio - Arroyomolinos (Xanadú) Leganés - Moraleja de Enmedio - Les Llombes Moraleja de Enmedio - Arroyomolinos - Móstoles Estación de Móstoles Móstoles - Arroyomolinos - Moraleja - Fuenlabrada Toles llinies son operaes por Martín, S.A.
Referencies
Enllaces esternos
Categoría:Conceyos de la Comunidá de Madrid Categoría:Llocalidaes de la Comunidá de Madrid Categoría:Parque rexonal del cursu mediu del ríu Guadarrama y la so redolada Categoría:Wikipedia:Mantenimientu:Llocalidaes d'España ensin partíu xudicial