Marta Mori d'Arriba ye una escritora asturiana. Ta llicenciada en Lliteratura y ye Doctora en Filoloxía Hispánica pola Universidá d'Uviéu. Ye miembru de númberu de l'Academia de la Llingua Asturiana.
Nel añu 2002 ganó'l Premiu Teodoro Cuesta de Poesía col poemariu Pórticu, onde s'amuesen poemes de corte intimista y de calter iniciáticu a la vida y poro, a la muerte. Nel 2004 algamó'l mesmu premiu, ex aequo, cola obra El tiempu de la espera, poemariu intimista de calter autobiográficu.
Tamién tien publicaos dellos artículos y llibros de crítica lliteraria, historia y didáutica, amás de collaborar na Historia de la lliteratura asturiana espublizada pola Academia de la Llingua Asturiana, de la que ye Vicepresidenta.
Foi profesora del institutu Xovellanos de Xixón.
En 2008 publica la coleición de rellatos Histories familiares.
En 2010 espubliza L'alcordanza.
En 2011 asoleya'l poemariu La mio voz, col que ganó'l XVI Premiu Xuan María Acebal Entrevista con Marta Mori nel selmanariu Les Noticies.
Nel añu 2019, de la mano de Ediciones Trabe publicó'l poemariu OrfandáTrabe edita poemarios firmaos por Mori y Armando Vega asturies.com Consultao'l 16.09.2019
Igualmente, Marta Mori fizo la traducción d' ''El cementariu marín", de Paul Valéry (Saltadera, 2018)Pau Valéry, traducida al asturiano por Marta Mori El Comercio Consultao'l 16.09.2019
Referencies
Categoría:Escritores d'Asturies Categoría:Escritores n'asturianu Categoría:Persones de Xixón Categoría:Alumnáu de la Universidá d'Uviéu