Valverde del Camino ye un conceyu español de la provincia de Huelva, na comunidá autónoma d'Andalucía. Asítiase ente los valles de los ríos Tinto y Odiel, en El Andévalo.

Historia L'allugamientu de Valverde del Camino atópase nuna encruciada de caminos. La so situación nes faldes de les sierres de Rite y León, foi pasu obligáu pa los viaxeros. Los oríxenes del llugar remóntense al momentu, entá non fecháu, de construcción d'una alquería o d'una vienda de camín que sirviera de mesón y agospiamientu de mercaderes y correos. Esta vienda o mesón llamábase Facanías, nome al paecer d'orixe hebréu o árabe. En 1369, nel acta fundacional del condáu de Niebla, apaez el llugar de Facanías. A finales del sieglu XV Facanías tresfórmase en «Valverde del Camino», faciendo referencia de xuru al Camín Romanu que pasaba al pie de la población.

Nes acabadures del sieglu XV, y de resultes de la concesión de tierres (ampliación de la Devesa Boyal), la población va afitándose llegando a algamar 100 vecinos o families en 1503 (computábase namái a la cabeza de familia, polo que la cifra equival anguaño a unos 3'5 habitantes per vecín, esto ye, unos 350 habitantes). En 1591 esistíen yá 291 vecinos (unos 1.000 habitantes). La crecedera de la población da orixe a les primeres cais, de trazáu irregular y de gran pindiu, amoldándose al relieve de les llombes que protexíen la vienda: Martín Sánchez, Gabatón del Orín (güei Las Cruces), Luis Fernández (güei Barrio Viejo) y Santa Ana.

A empiezos del sieglu XVIII, l'aldega de Valverde del Camino siguía dependiendo de la villa de Niebla, tantu no político como no xurídico y económico. En 1732 l'aldega independizóse de Niebla y consigue'l títulu de villa de manes del rei Felipe V, col beneplácitu de Niebla y del dueñu y señor del Condáu, el Duque de Medina Sidonia.

Economía llocal Los sos principales recursos económicos son el calzáu y la fabricación de muebles. Tien amás agricultura de secanu, con cultivos de ceberes, llegumes y olivares. Cola creación en 1990 de “El Monete” la industria valverdeña sufrió un importante tresformamientu, enllantándose nésti hasta 100 empreses nueves y vieyes que se treslladen dende l'interior del pueblu, esto fai posible l'ampliación del texíu granible según la meyora de la comunicación y meyora de l'accesibilidá a estes empreses. Tres esto y yá nel nuevu mileniu entama a construyise enfrente'l nuevu polígonu industrial, con más d'una 20 d'empreses de distintos sectores. Esiste una tercer fase d'ampliación paralizada pola crisis económica.

Sede de la compañía de prendes deportives Cejudo, fundada y con fabrica nesta llocalidá.

Cuenta con una afamada fábrica d'aguardientes bien valoráu na ciudá, arriendes d'una cerveza artesanal propia.

Tamién destaca pola so bona gastronomía, con bien bonos restoranes, Como El Bib Gourmad "Casa direición" nuna redolada centenaria, au podemos xintar productos típicos de la zona xeográfica (ente la sierra y la mariña), carnes, «chacinas», pexes y los tan valoraos «gurumelos» (amanita ponderosa).

Infraestructures Les infraestructures de Valverde van nos siguientes campos:

Seguridá: Xefatura llocal de policía: cuenta con cuartones. Capitanía de la guardia civil.

Salú: Centru d'atención primaria: cuenta con serviciu d'urxencies 24h Delles clíniques privaes

Emerxencies Xefatura de Proteición civil y Emerxencies: con personal altamente cualificáu en busca y rescate de desapaecíos. Parque de bomberos 07 Base-Helipuertu d'INFOCA

Educación IES Don Bosco IES Diego Angulo CP José Nozales CP Los Molinos CP Menendez y Pelayo CDP María Auxiliadora CDP Safa Hermanas de la Cruz

Cultura Teatru puerta del Andelvalo: teatru que cunta con sala principal p'audiciones, sede del antroxu velverdeño y con otra pequeña sala pa congresos. Arriendes sede de la conceyalía de cultura. FEMU Valverde: Feria de muestres y congresos. Conservatoriu: Elemental y mediu. Anfiteatru vieyu: en ruines Plaza de la música Plaza de toros: con casi 200 años, llugar de les tradicionales corríes de feria y de dellos actos

Casa muséu-cine de branu: allugada en casa direición ye una casa d'estilu inglés con unos xardinos espectaculares, arriendes nel so interior atópase la biblioteca de manera provisional. Biblioteca José Arrayas.

Xurisprudencia: Xulgáu de 1ra y 2da instancia, siendo valverde cabeza de partíu xudicial. Xulgáu de paz.

Patrimoniu eclesiásticu Parroquia lNuestra Señora del Reposo Ermita Santísima Trinidad Ermita Cristo de las tres caídas (Santu)

Ermita de la hermandá del Rocío Capiya de San Pancracio (Los pinos)

Conventu Hermanas de la Cruz Conventu Salesiano María Auxiliadora Campusantu

Víes y estaciones de repostaxe: Gasolinera nos pinos na N435. Gasolinera na entrada al pueblu pola A493. Gasolinera pola entrada dende carretera Calañas. Conexones con N 435 3 puntos (Polígono el monete, tanatorio y casa direición) Conexones con A 493 2 puntos (piscina vieya y polígonu nuevu)

Medios de comunicación De los medios d'información llocales el que más relevancia tien ye la revista mensual Facanías, fundada por Manuel Marin Mittenhoff en mayu de 1973.

Amás el conceyu cunta con una radio llocal (radio valverde cadena ser y dellos periódicos dixitales, como valverde Diario, EsValverde o DeValverde, la cobertoria llocal de televisión dala Condavisión.

Personaxes pernomaos José Nozales, escritor y periodista. José Ramírez Pérez, saladerista nel Montevideo antiguu. Rodrigo Caballero y Llanes, alcalde de Salamanca (Rexón Lleonesa) nel sieglu XVIII. Diego Angulo, historiador del arte español. Ricardo Olivós Arroyo, estudiosu del fútbol. Loles López Gabarro, secretaria xeneral de Partíu Popular d'Andalucía. Adrián Cobreros Ferrera, xugador de Balonmano. José Duque Duque, Chef Bib Gourmand.

Referencies

Enllaces esternos

Sistema d'Información Multiterritorial d'Andalucía (TORCA)

Categoría:Conceyos de Huelva Categoría:Llocalidaes de la provincia de Huelva Categoría:Wikipedia:Mantenimientu:Llocalidaes d'España ensin partíu xudicial