Juan Antonio Samaranch Torelló marca.com: Fina Samaranch a los 89 años foi un empresariu y políticu español. En 1991 foi-y concedíu'l títulu de marqués de Samaranch. Ente 1980 y 2001 presidió'l Comité Olímpicu Internacional.

Biografía Mientres la Guerra Civil Española apuntar nel bandu republicanu como sanitariu pa poder cruciar la frontera con Francia y entrar na zona nacional.

Compaxinó la práutica de diversos deportes (foi destacáu xugador y entrenador de ḥoquei sobre patinos, boxeador, futbolista) colos estudios de profesor mercantil y se diplomó darréu nel Institutu d'Estudios Cimeros de la Empresa.

Foi periodista deportivu (unviáu especial a Helsinki 52) y presidente de la Federación Española de Patinaxe, amás de xefe de la delegación española en dellos XXOO dende Cortina d'Ampezzo 1956.

Juan Antonio Samaranch tamién presidió'l xuráu, compuestu per alredor de 30 persones, que s'encargaba d'otorgar añalmente'l Premiu Príncipe d'Asturies de los Deportes. Nel so funeral, interpretóse como despidida "Amigos pa siempres", cantar que se dio a conocer na inauguración de los Xuegos Olímpicos de Barcelona 1992 na so ciudá natal.

En 1991 créase la Fundación Pedro Ferrándiz que la so sede ta Alcobendas. Equí atópase la Biblioteca Samaranch, la mayor en temes rellacionaes col baloncestu.

Samaranch finó por un fallu cardio-respiratoriu'l 21 d'abril de 2010 nel hospital Quirón de Barcelona, dempués de dellos años nun estáu de salú delicáu.

Carrera política Tuvo afiliáu a la Falanxe dende bien nueva.

Empecipió la so carrera política como conceyal de Deportes nel Conceyu de Barcelona (1954-1962), entamando en dicha ciudá los II Xuegos del Mediterraneu. N'avientu de 1966 foi designáu Delegáu Nacional d'Educación Física y Deportes, sustituyendo a José Antonio Elola-Olaso. Mientres la so etapa como Delegáu Nacional construyéronse delles instalaciones deportives y usóse el lema Cuntamos contigo p'animar a los mozos a prauticar deporte.

Nel añu 1964 pasa a ser procurador nes Cortes franquistes nes que tuvo presente mientres tres legislatura, hasta 1977.

El 18 de xunetu de 1973 foi nomáu presidente de la Diputación Provincial de Barcelona y cuatro años dempués, embaxador na Xunión Soviética y Mongolia (1977), momentu en que yera yá vicepresidente del Comité Olímpicu Internacional (COI), organización na qu'ingresara en 1966. Una de les primeres coses que fizo mientres el so tiempu d'embaxador na Xunión Soviética foi l'allugamientu de la Virxe de Montserrat nuna ilesia de Moscú. Esti cargu dio-y la oportunidá d'establecer na Europa del Este los contactos políticos necesarios pa poder algamar la Presidencia de la institución olímpica.

Cuando fina'l dictador Francisco Franco, Samaranch declara en 1975 « Considero que la figura y la obra del Caudiellu van quedar na hestoria como les d'unu los xefes d'Estáu más importantes del sieglu XX. La so intervención n'España mientres 39 años significó prosperidá y la paz más llarga que conoció'l nuesu país dende va sieglos». En 1975, crea un partíu franquista llamáu Concordia catalana.

El pasáu falanxista de Samaranch vuelve surdir en 2009 cuando la prensa española publica una fotografía na cual vése-y faciendo'l saludu fascista en 1974.Photo de Samaranch faisant -y salut fasciste. (en francés)

Presidencia del COI Foi escoyíu Presidente del COI na 83ª Sesión del Comité Olímpicu Internacional celebrada en Moscú, previa a los Xuegos Olímpicos de 1980, celebrada ente'l 15 y el 18 de xunetu d'esi mesmu añu.la84foundation.org The 83rd IOC Session principal decisions , consultáu xunu de 2008 Ente los sos llogros más importantes reconózse-y acabar col boicó políticu a los Xuegos Olímpicos que vieno produciéndose n'anteriores ediciones (1976, 1980 y 1984). Mientres el so mandatu esanicióse'l calter amateur de los participantes nos principales deportes, elementu esencial hasta entós del espíritu olímpicu, dexando la participación de deportistes profesionales, lo cual aguiyó un aumentu nel nivel de competición de tolos países participantes. Otru de los sos mayores llogros foi sacar al movimientu olímpicu de la bancarrota na que se topaba desapaecíu a la fin de la década de 1970, cuando les ciudaes empezaben a plantegase bien seriamente la rentabilidá d'una candidatura. Samaranch concibió'l patrociniu olímpicu como daqué global que se debía faer dende'l COI y non como hasta entós dende la ciudá organizadora. Nel so haber ta tamién el nuevu Muséu Olímpicu de Lausana. En 1992 vio cumplíu'l so suañu de ver celebrase unos XXOO en Barcelona, la so ciudá natal, que ganara la so nominación en 1986 frente a candidatures tan prestixoses como Ámsterdam y París, ente otres. En 1999 encaró la crisis aniciada nel senu del COI por cuenta de los escándalos alredor de la organización de Salt Lake City 2002. En 2001, Samaranch nun se presentó de nuevu a la presidencia, siendo asocedíu por Jacques Rogge, y nomáu Presidente d'Honor Vitalicio del COI.

Vida familiar Casóse'l 1 d'avientu de 1955 con María Teresa Salisachs Rowe,Obituariu de María Teresa Salisachs Rowe conocida como "Bibis" , cola que tuvo una fía, María Teresa, presidente de la Federación Española de Deportes de Xelu y segunda marquesa de Samaranch, y un fíu, Juan Antonio, miembru del COI y vicepresidente de la Federación Internacional de Pentathlon Modernu.

Distinciones thumb|right|Escudo del primer marqués de Samaranch.

Condecoraciones

Militar

Órdenes

Títulos Nobiliarios 30px Marqués de Samaranch (30 d'avientu de 1991).

Gallardones En 1982 premióse-y cola Copa Stadium pola promoción del deporte español. En 1985 recibió la Medaya d'Oru de la Xeneralidá de Cataluña Premiu de la Paz concedíu por Corea del Sur. Tenía importantes coleiciones d'Arte, polo que conseguió ser nomáu miembru de la Real Academia Catalana de Belles Artes de San Xurde. Perteneció a l'Académie Française des Sports. En 1986 foi nomáu presidente de la entidá de creitu La Caixa, de la que yá yera miembru conseyeru dende 1984. Sociu d'Honor del Club Palombar de Santander 20px Premiu Príncipe d'Asturies de los Deportes (08/04/1988). En 2001 recibió la Orde del Méritu de la FIFA.

Doctor Honoris Causa d'Universidaes EspañolesJuan Antonio Samaranch tenía dieciocho Doctoraos Honoris Causa Doctor Honoris Causa pola Universidá d'Alicante (27/03/1992).Invistidura Honoris Causa de D. Juan Antonio Samaranch Torelló Doctor Honoris Causa pola Universidá de Granada (13/02/1997).Invistidura Honoris Causa de D. Juan Antonio Samaranch Torelló Doctor Honoris Causa pola Universidá Camilo José Cela (31/10/2002).Invistidura Honoris Causa de D. Juan Antonio Samaranch Torelló Doctor Honoris Causa pola Universidá de Huelva (03/03/2003).Invistidura Honoris Causa de D. Juan Antonio Samaranch Torelló Doctor Honoris Causa pola Universidá Europea de Madrid (12/02/2009).universidá-europea-de-madrid-7956.htm Invistidura Honoris Causa de D. Juan Antonio Samaranch Torelló

Ver tamién Directivos de "la Caixa" Comité Olímpicu Internacional

Referencies

Enllaces esternos

Semblanza de Juan Antonio Samaranch na Fundación "Príncipe d'Asturies" Mr Juan Antonio Samaranch. Official website of the Olympic Movement Especial sobre la vida de Juan Antonio Samaranch.

Categoría:Deportistes de Cataluña Categoría:Diplomáticos y diplomátiques d'España Categoría:Presidentes del Comité Olímpicu Español Categoría:Miembros del Comité Olímpicu Internacional Categoría:Presidentes del Comité Olímpicu Internacional Categoría:Embaxadores d'España Categoría:Empresarios y empresaries de Cataluña Categoría:Miembros de FET y de les JONS Categoría:Xuegos Olímpicos de Barcelona 1992 Categoría:Marqueses d'España Categoría:Políticos y polítiques de Cataluña Categoría:Premiu Princesa d'Asturies de los Deportes Categoría:Procuradores de les Cortes franquistes Categoría:Entrenadores de ḥoquei