Amy Michael Homes ye una escritora d'Estaos Xuníos que robla les sos noveles como A.M. Homes.
Biografía
Homes foi apurrida n'adopción pola so madre biolóxica, "que caltenía una rellación con un home enforma mayor, casáu y con fíos".La fía del amante na páxina de la editorial Anagrama ; accesu 12.10.2011 Estudió nel Sarah Lawrence College, onde llogró'l so títulu de bachiller n'artes en 1985, y nel taller d'escritores de la Universidá d'Iowa, na que se diplomó de magíster.
La so primer novela, Jack, apaeció en 1989 y foi bien recibida pola crítica; al añu siguiente publicó la recoyida de cuentos The Safety of Objects (La seguridá de los oxetos). A estos llibros siguiéronlu noveles, rellatos y ensayos, dacuando acompañaos d'escándalu, como asocedió con El fin de Alice (1996). Esta novela, que tien como protagonista al pedófilu Chappy, provocó una movición a entrambos llaos del Atlánticu, pero especialmente en Gran Bretaña onde foi prohibida na tiendes W.H. Smith, atacada por dellos críticos y allabada por A.L. Kennedy, Elizabeth Young y otros.
Sobre la so escritura, dixo (dempués d'haber escritor El fin de Alice): "'The End of Alice' foi'l mio cuartu llibru y, magar qu'hai enforma sexu nél, ye una novela sobre idees, sobre cultura, moral y sexualidá. Nun m'interesa ser voceru de nada. Interésame escribir obres de ficción que planteguen interrogantes, que provoquen polémica. Creo que la xera de la lliteratura -del arte polo xeneral- ye xenerar obres qu'aguiyen a la xente a reparase a sigo mesma y al mundu en que vivimos más de cerca o, quiciabes, dende otru puntu de vista".William Cuthbertson entrevista a Homes pa The Barcelona Review, 1997, traducción de Susana Andrés; accesu 12.10.2011
Tien al so haber numberosos gallardones (les beques Guggenheim, National Endowment for the Arts, NYFA, Cullman Center for Scholars and Writers at The New York Public Library; los premios Benjamin Franklin y Deutscher Jugendliteraturpreis) y foi traducida a 18 idiomes.
Escribe en Art Forum, Harper's, Granta, McSweeney's, The New Yorker, The New York Times, Zoetrope; tamién collabora en Vanity Fair, Bomb y Blind Spot.
Participó nel Conseyu de Direición de Yaddo, The Fine Arts Work Center en Provincetown, The Writers Room, y nel PEN, tantu nel comité de miembros como nel d'escritores. Tamién trabaya nel Presidents Council for Poets and Writers. Exerció la docencia n'universidaes como la de de Columbia y de Nueva York.
Foi guionista y productora del programa de televisión The L Word, ente 2004-2005, y escribió l'adaptación de la so primer novela Jack pa Showtime (la película estrenar en 2004 y valió-y un premiu Emmy a l'actriz Stockard Channing).
En 2003, la direutora Rose Troche afixo La seguridá de los oxetos a la pantalla. El direutor Steven Shainberg ta preparando Música pa corazones amburaos con guión de Buck Henry. Coles mesmes, Stone Village Pictures entama rodar This Book Will Save Your Life.
Vive en Nueva York cola so fía menor. Confiesa tener rellaciones tantu con homes como con muyeres.Bob Thompson. Moms de Plume. A.M. Homes, Writing in the Shadows of the Family Tree, The Washington Post, 16.04.2007, entrevista reproducida na páxina de l'autora; accesu 12.10.2011 Sobre la so vida íntima dixo: "Soi bisexual, pero non necesariamente definiríame como tal."Entrevista na revista Diva , n'inglés
Obra Jack, novela, 1989: La historia d'un mozu, fíu de padres divorciaos, qu'afaya que'l so padre ye homosexual. The Safety of Objects, cuentos, 1990: Trata sobre delles families (los Gold, Train, Christianson y Jennings) que viven arrodiaes de posesiones a les que tienen ciñu, pero con munchos problemes personales. In a Country of Mothers, novela, 1993: La esmolecedora historia d'una moza adoptada y la so terapeuta, quien empieza a sentir un interés anormal pol so paciente, abarruntando que ye la so propia fía, a la qu'abandonó al nacer. The End of Alice, novela, 1996. Appendix A: an elaboration on the novel The End of Alice, 1996. Music for Torching, 1999: Narra, col so característicu humor irónico, la historia de Paul y Elaine, que la so vida nun suburbiu ye tan aburrida qu'una tarde entornen la parrilla d'una barbacoa y miren cómo ambura la so casa. Things You Should Know, cuentos, 2002. Los Angeles: People, Places, and the Castle on the Hill, non ficción, 2002. This Book Will Save Your Life, novela, 2006. The Mistress's Daughter, memories, 2007: La historia de cómo Homes foi atopada pola so familia biolóxica May We Be Forgiven, novela, 2012.
Referencies
Enllaces esternos Homes en Lecturalia Georgica, cuentu de Homes del llibru Coses que tienes de saber; accesu 12.10.2011 Antonio Díaz Oliva. Esta escritora te va salvar la vida, artículu sobre Homes en Zona de Cotacto de El Mercurio online, xunu de 2009; accesu 12.10.2011 Los trestornos d'A. M. Homes, blogue L'escorpión d'Alejandro Gándara, El Mundo dixital; accesu 12.10.2011 de saber-am-homes.html#!/2006/10/coses-que-tienes de saber-am-homes.html Miguel Ángel Muñoz sobre Coses que tienes de saber, blogue El síndrome Chéjov, accesu 12.10.2011 Páxina de Homes, n'inglés Homes llee un estractu de The Mistresss Daughter, videu, accesu 12.10.2011
Categoría:Escritores d'Estaos Xuníos