Natalia Lavrova (en rusu Наталья Александровна Лаврова: Natal'yá Aleksandrovna Lavrova), Penza (Xunión Soviética) 4 d'agostu de 1984 - Óblast de Penza (Rusia) 23 d'abril de 2010, foi una ximnasta rusa, bicampeona olímpica, co-entrenadora de la selección nacional de ximnasia rítmica del so país.
Empezó la so carrera a los 5 años, en 1989, nel equipu Dinamo de la so ciudá natal, Penza. Como miembru del equipu rusu dende 1998, foi cuatro veces campeona del mundu de ximnasia rítmica, nos años 1999, 2002, 2003 y 2005, y campeona d'Europa en 2001. Consiguió'l so primer oru olímpico por conxuntos nos Xuegos Olímpicos de Sydney 2000, y cuatro años más tarde volvió llograr esta mesma medaya xunto a les sos compañeres de la selección rusa nos Xuegos Olímpicos d'Atenes 2004. En 2005 abandonó la competición y pasó a entrenar l'equipu del qu'ella saliera, el Dinamo de Penza, y la selección nacional rusa.
Soltera, finó a los 25 años d'edá, el 23 d'abril de 2010, xunto cola so hermana embarazada, Olga, que conducía'l vehículu, nun accidente de tráficu que tuvo llugar nuna autovía nel Óblast de Penza, al suroeste de Moscú, cerca de Krivozerye y de la so ciudá natal, onde moraba.
Referencies
Enllaces esternos
Muerre la bicampeona olímpica de rítmica Natalia Lavrova nun accidente de coche La rítmica ta de llutu (con videu). Nataliya Lavrova, en Olympics at Sports-Reference.com Tragic automobile accident, páxina de la Federación Internacional de Ximnasia (n'inglés, con semeyes)
Categoría:Medayistes olímpicos de Rusia Categoría:Medayistes olímpicos de ximnasia Categoría:Medayistes olímpicos d'oru Categoría:Medayistes olímpicos de Sydney 2000 Categoría:Medayistes olímpicos d'Atenes 2004 Categoría:Ximnastes rítmiques de Rusia Categoría:Ximnastes de Rusia nos Xuegos Olímpicos de Sydney 2000 Categoría:Ximnastes de Rusia nos Xuegos Olímpicos d'Atenes 2004 Categoría:Wikipedia:Mantenimientu:Persones ensin plantía nym