thumb|250px|right|Gráficu del total d'agua almacenao nes seis mayores preses de la provincia de Cabu Occidental dende'l 30 de xunu de 2013 hasta'l 31 de marzu de 2018. El gráficu ilustra l'amenorgamientu de los niveles d'almacenamientu d'agua mientres la crisis de Ciudá d'El Cabu l'impautu del consumu dende l'empiezu de 2018. La previsión amuesa los niveles d'almacenamientu, qu'algamen un 12 % hasta finales de mayu de 2018 en función del consumu normal (primero de la crisis). Datos de Climate Systems Analysis Group (CSAG).
En 2015 entamó una seca na provincia de Cabu Occidental, en Sudáfrica, lo que provocó una grave escasez d'agua na rexón, qu'afeuta especialmente a la población de Ciudá d'El Cabu.
A principios de 2018, cuando se previo que los niveles d'agua de les preses llegaríen al so nivel críticu n'abril, la ciudá anunció los planes pal "Día Cero", el momentu nel que se llegare a un determináu límite inferior d'almacenamientu d'agua que provocare el pieslle en gran midida del abastecimientu municipal d'agua, lo que fadría de Ciudá d'El Cabu la primer gran ciudá en quedar ensin agua.
Gracies a les midíes d'aforru y al aumentu d'abastecimientu, en marzu de 2018 la ciudá amenorgó'l so consumu diariu d'agua en más de la metá hasta los 500 millones de litros por día y, en xunu de 2018 l'amenorgamientu nel consumu y les precipitaciones fixeron que los niveles de les preses aumentaren hasta'l 43 % de capacidá, lo que provocó que Ciudá d'El Cabu anunciare que l'amenaza del Día Cero yá nun diba cumplise en 2018. Sicasí, les torgues al consumu d'agua van permanecer hasta que'l nivel de les preses algame'l 85 % de la so capacidá.
Referencies
Enllaces esternos Day Zero and Water-related FAQs City of Cape Town Dam Levels Dashboard City of Cape Town Day Zero Dashboard City of Cape Town This Week's Dam Levels Heres how the new water by-laws will affect you
Categoría:Sudáfrica Categoría:Meteoroloxía Categoría:Clima Categoría:Agua