Noelia Cobo García ye una artista española especializada en escultura.
Trayeutoria En 2005 llicencióse en Belles Artes na Universidá de Barcelona, y doctoróse en 2016 pola Universidá de Granada. Compaxina la so actividá artística cola investigación y la docencia.
La so especialidá ye la escultura con ciertes connotaciones simbóliques. Plantega una visión metafísica de la escultura como un arte de sustitución. La busca d'un llinguaxe propiu al traviés de formes inédites alimenta les sos creaciones llaraes de volúmenes imaxinarios y vitales, respetando les cualidaes intrínseques de la materia.
Participó en numberoses esposiciones individuales y coleutives en centros como'l Muséu d'Arte Contemporáneo de Aoya (Xapón), el Museo Pablo Serrano, el Lynne Fine Art Gallery (Scottsdale, Arizona), el Cruceru del Hospital Real (Granada, España) o'l Muséu del Molín de Papel de Capellades (Barcelona).
Destaca en 2010 la so participación nel I Alcuentru d'Arte Rural de Xaén, y en 2011 nel VII Certame La Casa d'Andalucía de Cerdanyola del Vallès.
En 2011, recibió'l Premiu a la Creación Artística Alonso Cano,, VII Certame La Casa de Andalucia. Cerdanyola del Vallès, Barcelona, España, 2011 dau pola Universidá de Granada, pola so obra escultórica Amsara. Trátase d'una pieza vertical onde la creadora fai usu de distintos materiales, como'l mármol de Carrara y la piedra d'Ulldecona, colos que consigue distintos acabaos y testures dotando a la obra d'un marcáu calter orgánicu.
Referencies
Bibliografía AA.VV. Coleición d'Arte Contemporáneo de la Universidá de Granada. Centru de Cultura Contemporánea. Granada: Universidá de Granada, 2015, p. 89.
Categoría:Escultores d'España
Categoría:Wikipedia:Mantenimientu:Persones ensin plantía NF