Claudia González Romo remana temporalmente l'área de comunicaciones pa la Oficina Executiva del Unviáu Especial pa l'Axenda 2030 pal Desarrollu Sostenible y Cambéu Climáticu na Secretaría Xeneral de la Organización de les Naciones Xuníes dende la so sede en Nueva York, ye la encargada de “informar, influyir y empoderar a la opinión pública a nivel global sobre los Oxetivos de Desarrollu Sostenible, ODS.”
Ye Llicenciada en Comunicación pola Universidá Nacional Autónoma de Méxicu, y tien una Maestría de la London School of Economics en Medios de Comunicación y Comunicación Política , según maestríes y especializaciones en Filosofía moderna y fotografía.
Nos postreros 20 años remanó comunicación, rellaciones públiques, mercadotecnia, reputación ya imaxe de delles de les mayores organizaciones globales del mundu, incluyendo'l Foru Económicu Mundial , l'Axencia de les Naciones Xuníes pa los Refuxaos y el Fondu Mundial de Llucha contra'l SIDA, la tuberculosis y la malaria . Les sos carteres incluyeron redes sociales, investigación, publicidá, eventos, campañes, aliances y celebridaes. .
Dende 2014, dirixe l'Abogacía Pública en UNICEF a nivel global coles mires de “llograr influyir l'alderique públicu sobre les temes d'interés pa la infancia como educación, estimulación temprana, migración y refuxaos, violencia infantil, nutrición y salú.”
Ye profesora de mercadotecnia y dio cursos de Marketing de la Universidá de Xinebra. Como docente, imparte cursos de mercadotecnia de forma dixital (MOOCS) en Coursera a los qu'añalmente se rexistren más de 25,000 persones.
Fala 6 idiomes, ye una frecuente oradora pública , viaxó a más de cien países y vivíu nuna docena de ciudaes. A nivel personal esfruta de los deportes, viaxes y tien dos fíos.
Referencies
Enllaces esternos Sitiu web oficial del secretariu xeneral - Sitiu de les Naciones Xuníes col so perfil, informes, noticies y declaraciones oficiales
Categoría:Diplomáticos y diplomátiques de Méxicu