Cynthia Dale Scott ye una actriz d'Estaos Xuníos. Ye reconocida principalmente pola so actuación na película de James Cameron Aliens (1986), onde interpretó a la soldáu Dietrich.Cynthia Dale Scott Perfil de l'actriz n'Internet Movie Database. Consultáu en marzu de 2018.
Carrera Cynthia nació en Rochester, Nueva York. En 1986 debutó nel cine interpretando a la soldáu Dietrich na película d'horror y ciencia ficción Aliens, onde foi dirixida por James Cameron y compartió repartu con Sigourney Weaver, Bill Paxton, Michael Biehn y Lance Henriksen, ente otros.Aliens Perfil de la cinta en Filmaffinity. Consultáu en marzu de 2018. La película foi un ésitu en taquilla y pa la crítica, y el so papel nella foi allabáu.Cynthia Dale Scott en Aliens Metacritic. Consultáu en marzu de 2018. Un añu más tarde integró el repartu de la serie de televisión Mister Belvedere interpretando a Katrina. En 1988 apaeció nuevamente nuna producción rellacionada con alienígenas en Invasion Earth: The Aliens Are Here, dirixida por George Maitland. En 1991 interpretó un pequeñu papel na película policiaca Rush, onde foi dirixida por Lili Fini Zanuck y compartió escena con Jennifer Jason Leigh y Jason Patric. A partir d'entós la so participación en producciones cinematográfiques amenorgó de manera considerable.
En 2014, l'actriz apaeció xunto a otros actores de la saga de Alien como John Hurt, Tom Skerritt, Lance Henriksen, Michael Biehn, Carrie Henn y Veronica Cartwright nun documental tituláu Alien Encounters: Superior Fan Power Since 1979, dirixíu por Andrew David Clark.
Filmografía
Cine 1991 - Rush 1988 - Invasion Earth: The Aliens Are Here 1986 - Aliens
Televisión 1987 - Mister Belvedere
Documental 2014 - Alien Encounters: Superior Fan Power Since 1979
Referencies
Enllaces esternos
Categoría:Actores y actrices de Nueva York (estáu) Categoría:Actores y actrices de cine d'Estaos Xuníos Categoría:Actores y actrices de televisión d'Estaos Xuníos Categoría:Persones de Rochester (Nueva York)