Cecilia Margarita Bartolomé Pina ye una direutora de cine, guionista y productora española.
Biografía
Nació n'Alicante y crióse na provincia española de Fernando Po, anguaño en Guinea Ecuatorial. Abandonó los sos estudios de Ciencies Económiques pa formase na Escuela Oficial de Cine en Madrid, onde se diplomó en 1969 con Margarita y el llobu, colo que se convirtió nuna de les primeres muyeres diplomaes na Escuela de Cine nos años sesenta, tres les tamién direutores Pilar Miró y Josefina Molina.
Empecipió la so carrera profesional na publicidá, realizando tamién los sos primeros curtiumetraxes. En 1978 dirixó'l so primer llargumetraxe, ¡Vámonos, Bárbara!, una versión de la película Alice Doesn't Live Here Anymore, del direutor norteamericanu Martin Scorsese.
En 2005 realizó pa la serie de televisión Cúntame el capítulu documental «Especial Carrero Blanco: l'empiezu del fin». En 2012, el Festival Internacional de Cine de Xixón dio-y el premiu Mujer de Cine 2012, en pagu a la so trayeutoria nel cine español. En 2014, foi galardona cola Medaya d'Oru al méritu nes Belles Artes d'España.[http://www.lamoncloa.gob.es/ConsejodeMinistros/Referencias/_2014/refc20140314.htm
Filmografía
1969: Margarita y el llobu (guión y direición). 1978: ¡Vámonos, Bárbara! (direición). 1983: Dempués de... (guión y direición). 1996: Lloñe d'África (direición).
Referencies
Enllaces esternos
Categoría:Direutores de cine d'España Categoría:Guionistes d'España CAtegoría:Productores de cine d'España Categoría:Persones d'Alacant