Los Premios Añales de l'Academia de les Artes y les ciencies cinematográfiques d'España, popularmente llamaos Premios Goya, premien les meyores producciones españoles con una serie de premios según les estremaes especialidaes del sector. Instauráronse en 1987 asonsañando otros premios de calter asemeyáu como los Óscar, o los Premios César. El gallardón escoyíu foi un bustu de bronce del pintor español Francisco de Goya.
El premiu concédese por votación popular ente tolos miembros de l'Academia, qu'escueyen en primer llugar cuatro nomaos pa cada categoría, y finalmente un ganador.
La ceremonia d'entrega tien llugar a finales de xineru o nos primeros díes de febreru y sigue'l mesmu formatu que la ceremonia d'entrega de los Óscar. La primer ceremonia, del añu 1987, fízose nel teatru Lope de Vega de Madrid. Dende entós los premios entréguense nel Palaciu de Congresos de Madrid, con esceición del añu 2000 en que se fixeron nel Auditoriu de Barcelona y l'añu 2011 nel Palaciu Real de Madrid. Les películes qu'opten al gallardón son toles españoles estrenaes ente'l 1 d'avientu y el 30 de payares del añu en que se conceden.
Categoríes Meyor película Meyor direutor Meyor interpretación masculina protagonista Meyor interpretación femenina protagonista Meyor interpretación masculina de repartu Meyor interpretación femenina de repartu Meyor actor revelación Meyor actriz revelación Meyor guión orixinal Meyor guión adautáu Meyor fotografía Meyor montaxe Meyor música orixinal Meyor cantar orixinal Meyor direutor novel Meyor direición de producción Meyor direición artística Meyor diseñu de vestuariu Meyor maquillaxe y peluquería Meyor soníu Meyores efeutos especiales Meyor película d'animación Meyor curtiumetraxe d'animación Meyor curtiumetraxe documental Meyor curtiumetraxe de ficción Meyor película europea Meyor película documental Meyor película estranxera de fala hispana Goya d'Honor
Referencies
Enllaces esternos Páxina oficial de l'Academia de les Artes y les Ciencies Cinematográfiques d'España
Categoría:Premios de cine